喺士師治理以色列嘅年代，當地鬧饑荒。 有個住喺猶大伯利恆嘅男人，帶住老婆同兩個仔，去摩押地區寄居。
在士師執政的時代，猶大發生了饑荒。有一個人帶著妻子和兩個兒子從猶大的伯利恆遷到摩押境內寄居。
個男人叫以利米勒，佢老婆叫拿俄米。兩個仔叫瑪倫同基連。佢哋係猶大伯利恆嘅以法他人。 佢哋去到摩押地區，就喺嗰度住落嚟。
這個人名叫以利米勒，妻子叫拿俄米，兩個兒子分別叫瑪倫和基連。他們都是猶大伯利恆的以法他人。他們來到摩押，就在那裡住了下來。
後來，拿俄米嘅丈夫以利米勒死咗，剩返佢同兩個仔。
後來，拿俄米的丈夫以利米勒去世了，留下她和兩個兒子。
兩個仔娶咗摩押女子做老婆，一個叫俄珥巴，另一個叫路得。 佢哋喺嗰度住咗大約十年。
這兩個兒子都娶了摩押的女子為妻，一個名叫俄珥巴，一個名叫路得。在那裡住了大約十年後，
後來，瑪倫同基連亦都死咗。拿俄米失去咗丈夫，亦都失去咗兩個仔。
瑪倫和基連二人都去世了，只剩下拿俄米，沒有了丈夫，也沒有了兒子。
拿俄米喺摩押聽到上主眷顧自己嘅子民，令佢哋再有糧食。於是，佢同兩個新抱起程，準備離開摩押返鄉下。
後來，拿俄米在摩押聽說耶和華眷顧祂的子民，使他們五穀豐登，就帶著兩個兒媳婦準備回故鄉。
佢帶住兩個新抱，離開一直住開嘅地方，沿路返去猶大。
她們離開所居住的地方，動身返回猶大。
拿俄米對兩個新抱講： 「你哋返去啦，各自返去阿媽屋企。願上主以慈愛待你哋，好似你哋一直對死去嘅親人同我咁有情有義。
拿俄米對兩個兒媳婦說：「你們還是各回娘家去吧！願耶和華恩待你們，就好像你們恩待死去的丈夫和我一樣。
願上主畀你哋各自再嫁，喺丈夫嘅家裏面安定落嚟。」 跟住，佢親吻兩個新抱。佢哋就放聲大喊。
願耶和華使你們都有機會再嫁，找到好歸宿。」拿俄米說完了，就親吻她們。她們都放聲大哭，
兩個新抱對佢講： 「唔，我哋要同你一齊返去，返到你嘅族人嗰度。」
說：「不！我們要跟你一起回你的家鄉。」
拿俄米話： 「阿女，你哋返去啦。你哋點解仲要跟住我？我仲可以生仔，等佢哋做你哋嘅丈夫咩？
拿俄米說：「我的女兒啊，回娘家去吧！為什麼要跟我去呢？難道我還能生兒子做你們的丈夫嗎？
阿女，你哋返去啦，返屋企啦。我年紀咁大，已經嫁唔到人。 就算我話自己仲有希望，今晚就嫁人，仲生到仔，
回去吧！我的女兒啊，走吧！我已經老了，不可能再嫁人了。就算我還有指望，今晚能再結婚生子，
你哋會等到佢哋大個咩？你哋會為咗等佢哋，一直唔嫁人咩？ 阿女，唔好咁啦。上主已經出手對付我，我比你哋仲苦。」
難道你們能一直不嫁，等到他們長大嗎？不要這樣，我的女兒啊！這樣你們會很苦，我就更苦了，因為耶和華伸手懲罰我。」
佢哋又再放聲大喊。俄珥巴親吻家婆，同佢道別。路得就緊緊依住拿俄米，唔肯離開。
她們又放聲大哭，俄珥巴就親吻婆婆，向她道別，但路得卻依依不捨，不肯離去。
拿俄米對路得講： 「你睇，俄珥巴已經返去自己嘅族人同自己嘅神明嗰度。你都跟住佢返去啦。」
拿俄米說：「你看，你嫂嫂已經回她家鄉和她拜的神明那裡去了，你也跟著嫂嫂回去吧！」
路得話： 「你唔好再勸我離開你，叫我返轉頭。 你去邊，我就去邊； 你住邊，我就住邊。 你嘅族人就係我嘅族人， 你嘅上帝就係我嘅上帝。
路得說：「不要逼我撇你而去。你往哪裡去，我也要往哪裡去；你住在哪裡，我也要住在哪裡；你的同胞就是我的同胞，你的上帝就是我的上帝；
你死喺邊，我就死喺邊，亦都葬喺嗰度。 除咗死，冇任何嘢可以將我同你分開。如果我違背呢個誓言，就願上主重重噉懲罰我。」
你死在哪裡，我也死在哪裡、葬在哪裡。只有死才能把我們分開。否則，願耶和華重重地懲罰我！」
拿俄米見路得決心要跟住佢，就冇再勸佢。
拿俄米見路得堅決要跟她走，就不再勸阻她了。
兩個人繼續行，一直去到伯利恆。 佢哋一到，全城都轟動起嚟。城裏面嘅婦女話： 「呢個真係拿俄米？」
於是，二人便一同回到伯利恆。她們進了伯利恆，全城轟動。婦女們問：「這不是拿俄米嗎？」
拿俄米對佢哋講： 「唔好再叫我拿俄米，叫我瑪拉啦。全能者令我受盡苦楚。
拿俄米對她們說：「不要再叫我拿俄米了，叫我瑪拉吧！因為全能者叫我過得好苦啊！
我走嗰陣滿滿足足，上主卻令我兩手空空噉返嚟。 上主已經同我作對，全能者亦都令我遭殃，你哋點解仲叫我拿俄米？」
我曾滿滿地離開這裡，現在耶和華卻使我空空地回來。既然耶和華叫我受苦，全能者使我遭難，為何還叫我拿俄米呢？」
拿俄米就係咁從摩押返咗嚟，佢個摩押新抱路得亦都同佢一齊返嚟。 佢哋到伯利恆嗰陣，啱啱開始收割大麥。
拿俄米帶著她的兒媳婦摩押女子路得從摩押回到了伯利恆，那時正是開始收割大麥的季節。