1
做長老嘅，寫信通知蒙揀選嘅尊貴婦人共佢仔女，我因眞理愛佢哋嘅；唔止我愛佢哋，但凡識眞理嘅都愛佢哋。
2
係因住在我哋處、永遠留存嘅眞理呀。
3
願神，卽父，興及[^n1]父之子主耶穌基督，令你哋有眞實仁愛，得倒恩典、慈悲、平安！
4
我見你嘅仔女有的依眞理際行，照我愛父嘅誡命厭[^n2]，我就好歡喜。
5
尊貴婦人呀，我如今勸你，唔嘹[^n3]好似寫新誡命過你，係寫自始初所有嘅，卽係我哋應該彼此相愛。
6
我哋照依佢誡命嚟行，呢的係愛咯。你哋照依自始初所聽聞嚟行，就係呢條誡命咯。
7
因爲有好多迷惑嘅出嚟世上，唔認耶穌基督成肉身降世；噉就係迷惑人嘅，係敵基督嘅呀。
8
你應該自己謹愼，免致失我哋所做嘅勤勞，致得倒完全嘅賞賜。
9
但凡犯罪唔住在基督道理處嘅，就唔屬神；住在基督道理處嘅，就屬父與及子咯。
10
若有人你處[^n4]，就唔帶住呢的道理，你咪接佢入屋跡[^n5]，咪問佢安。
11
因爲問佢安嘅，就共佢有份行惡咯。
12
我重有好多事想寫過你，唔想掝紙共墨，係望到你處當面嚟講，等我哋歡樂充滿。
13
你嘅蒙揀選姊妹嘅仔女問你安。