提阿非羅呀、我已經𢬿耶穌自起首所做嘅、所教嘅、
至到佢託聖神吩咐所揀擇嘅使徒、及被接升天個日、一的都寫落前書。
佢受害之後、𢬿好多憑據、顯明自己係生嘅、俾使徒睇、又講及上帝國嘅道理、四十日咁耐。
耶穌同埋使徒聚集、就吩咐佢地話、唔好離開耶路撒冷、要等到天父所應承、即係你地聽我講過嘅。
因為約翰係用水施洗、但係你地唔使幾多日、就受聖神施洗咯。
個的聚集嘅問耶穌話、主呀、你呢陣時、將個國交還以色列{口膩}。
耶穌對佢地話、個的時候共日期、係天父自己揸權柄、唔係你地所得知嘅、
但聖神降臨你、你地就得能幹、而且為我做證、喺耶路撒冷、通猶太、兼撒馬利亞、及至到地極。
講完呢的事、眾人睇住佢上天、有雲接住、眼就唔見佢咯。
耶穌升上之時、眾人定眼望住個天、忽然有兩個人、著白衣企倒佢地側邊、
就話、加利利人呀、做乜企倒處望住個天呢、呢位耶穌離別你地、被接上天呀、你地見佢噉樣上天、後來必照噉樣番嚟。
使徒從個山、名叫橄欖山嘅、復回耶路撒冷、呢個山、隔耶路撒、係安息日嘅路程咁遠呮。
佢地入去、就上個間樓、喺處住嘅、即係彼得、雅各、約翰、安得烈、腓力、多馬、巴多羅買、亞勒腓嘅仔雅各、西門、名銳、雅各嘅兄弟猶大。
呢的眾人同埋的女人、及耶穌母親馬利亞、共耶穌兄弟、常時同心、祈禱懇求。
個陣時、眾人名數約有一百二十、彼得喺門生之中、企起噉話、
列位兄弟呀、聖神託大闢嘅口、預先講及做線公嚟捉耶穌嘅猶大、呢的經必要應驗。
因為佢共我地同班、及有分做呢的職役。
呢個人、𢬿不義嘅賞銀嚟買田、個身蹼倒、個肚裂開、佢腸臓流嘥出嚟。
凡在耶路撒居住嘅都知到、故此土談叫個笪田做啞㗆嗎、即係血田噉解、
詩篇有寫落、佢嘅屋應變為空虛、冇人在內居住、又話、佢監督嘅職、要別人接受。
所以主耶穌同我地出入嘅時候、
由約翰嘅洗禮起、至到主離開我地升上天個日止、個的常時共我地做同輩嘅、必要有一個人、共我地做耶穌翻生嘅見證。
噉就公舉兩個人、一個係約瑟、稱為巴撒巴、又稱猶士都、一個係馬提亞。
眾人祈禱噉話、主呀、你係識眾人嘅心、呢兩個人、請指點邊一個係你揀擇嘅。
噉就執籌、執著馬提亞、佢就共十一使徒同班咯。