安提亞教會、有幾個先知共教師、即係巴拿巴、及叫做尼結嘅西面、又古利奈人路求、同分封之君希律嘅書友馬念、與及掃羅。
佢地服事主、禁食個時、聖神話、替我挑選巴拿巴掃羅、去做我所吩咐嘅工夫。
噉就禁食祈禱、俾手按佢地、使佢地去。
佢兩人已經奉聖神打發去西流基、喺個處坐船去居比路。
佢地到撒拉米個處、在猶太人會堂、傳上帝道、約翰做佢嘅幫手。
佢地經行海島、到帕弗、遇著一個猶太人、行邪術偽先知、名叫巴耶穌。
佢共個總督士求保羅、同埋嘅、士求保羅係聰明人、佢叫巴拿巴掃羅嚟、想聽上帝嘅道。
但係以呂馬、繙譯即係行邪術嘅、佢阻擋使徒、想令總督咪信。
掃羅亦叫做保羅、就得聖神充滿、定眼睇住佢話、
嚡、你滿嘵各樣詭譎奸惡、係魔鬼嘅仔、各樣公義嘅仇敵、你擾亂主嘅正道、到幾時致止呢。
如今主嘅手喺你上頭、你就要盲、暫時唔睇見熱頭呀。以呂馬嘅眼、即時又矇又暗、周圍搵人拖佢。
總督睇見呢件事、驚奇主嘅道、就信咯。
保羅共跟隨嘅人、離嘵帕弗、坐船到旁非利亞嘅別加城、惟係約翰離別佢地、番去耶路撒冷。
佢地離嘵別加、到彼西底嘅安提阿、安息日、入會堂坐。
讀律法共先知書之後、管理會堂嘅、使人嚟對佢話、列位兄弟、若有勸化百姓嘅說話、請講喇。
保羅起身擺手話、以色列人、共敬畏上帝嘅、聽吓喇。
先日以色列民嘅上帝、挑選我地嘅列祖、後來百姓喺埃及做人客個時、上帝又救拔佢、用全能之手帶佢出嚟、
保養佢喺曠野、大約四十年。
滅嘵迦南處七種人、就執籌分開個的地方、嚟俾佢地。
後來設立士師、管理佢地、至到先知撒母耳個時、大約四百五十年咁耐。
自後、百姓求佢立一個王、上帝就將便雅憫支派嘅仔掃羅賜過佢四十年。
後來上帝廢嘵佢、又舉大闢做佢地嘅王、證明佢話、我搵倒耶西嘅仔大闢、係合得我心嘅人、佢必盡依我旨意嚟行呀。
上帝照依佢自己所應承嘅、由呢個人嘅後裔、為以色列人舉起救主耶穌。
耶穌未曾到、約翰先𢬿悔改嘅洗禮、傳過通以色列人聽。
約翰將近成就佢職事之時、就話、你以為我係乜誰呢、我唔係基督、有個後過我嚟嘅、佢嘅鞋、我都唔堪共佢解呀。
列位兄弟、亞伯拉罕嘅後裔、同埋你地之中、敬畏上帝嘅人呀、呢的救世嘅道、係傳過你地咯。
在耶路撒冷居住嘅人、共佢地嘅官府、都唔識基督、又唔曉每安息日所讀先知嘅書、所以定基督死罪、噉就應嘵先知嘅說話咯。
雖然唔查得出佢當死嘅罪、都求彼拉多殺佢。
既應嘵所有寫落指佢嘅、就喺木架處拈落嚟、葬在墳墓。
但上帝令佢由死翻生。
有人從加利利、同佢上耶路撒冷嘅。好多日見佢、如今在民間做佢嘅見證。
我地將福音講俾你聽、係上帝所應承列祖嘅。呢的已經應驗過我地做佢子孫嘅、即係令耶穌翻生。
好似詩篇第二首所寫話、你係我仔、我今日生你。
論及佢由死翻生、至到唔歸於敗壞、有噉樣話、我將𢬿大闢真實嘅恩惠賜過你地。
所以佢又有一首詩話、你必定唔俾你聖潔嘅見廢壞。
因為大闢在世個時、照上帝嘅旨意嚟做事、死後(或作瞓著)、共祖宗葬埋、都係見廢壞。
惟獨上帝所翻生個個、就唔見廢壞。
列位兄弟呀、你應該知到、托呢個人傳赦免之道過你地。
照摩西嘅律法、你地不能由各樣事得稱義、惟係信耶穌嘅、就由各樣事得稱義。
故此要謹慎、免至先知所講嘅、應在你身上。
佢噉話、輕忽嘅人呀、你睇見就驚慌、而且敗亡、因為你地在世之時、我必做一件事、雖有人話你知、你總唔信佢。
猶太人出嘵會堂、有異邦人求兩個使徒、到第二個安息日、再講呢的說話過佢聽。
會堂嘅眾人散嘵、好多猶太人、共敬虔進教嘅人、跟隨保羅巴拿巴兩個使徒、又共佢講、勸佢地常時住在上帝嘅恩典處。
後一個安息日、幾乎一城嘅百姓聚集、想聽上帝道理。
但猶太人見咁多人、就十分妒忌、辯駁保羅所講、而且毀謗添。
保羅巴拿巴大膽講話、上帝嘅道、應該先傳過你、但你地丟棄佢、以為自己唔應該得永生、故此我地反轉向異邦人。
因為主噉樣吩咐我地話、我立你做異邦人嘅光、令你做救主、至到地之極。
異邦人聞得噉樣、就歡喜主嘅道、所有定奪得永生嘅都信呀。
噉就主嘅道、周圍傳嘥個處地方。
猶太人唆擺敬虔嘅尊貴女人、及城中上等嘅人、迫害保羅巴拿巴、趕佢出去境外。
兩個人對住眾人、拍去腳上泥塵、就到以哥念。
門生十分歡喜、與及充滿聖神。