兩個使徒喺以哥念、同埋入猶太人會堂傳道、致到猶太人、共希利尼人、好多信呀。
個的唔信嘅猶太人、唆聳異邦人、令佢心惱怒眾兄弟。
佢兩個人住好耐、倚賴主放膽傳道、主令佢地嘅手、能行異蹟奇事、證明自己恩典嘅道理。
城中眾人、噉就分開、有從猶太人嘅、有從使徒嘅。
異邦人猶太人、同埋佢地嘅官府、擠擁起嚟、想凌辱佢、𢬿石嚟打佢。
兩個人知到噉樣、就走到呂高尼嘅路士得特庇兩城、共附近嘅地方、
喺個處傳福音。
路士得有一個軟腳嘅人坐處、佢自出母胎就跛嘅、總未曾行過嘅、
佢聽保羅講、保羅定眼睇住佢、見佢有信德、可以好番。
就大聲話、企正對腳喇、個人就跳起、而且行。
眾人見保羅所做、就將呂高尼土談大聲叫話、有上帝借人嘅形像、降臨我地處咯。
就稱巴拿巴做丟士、又因保羅噲說話、就稱佢做希耳米。
城外丟士廟嘅祭司就拉住的牛共花帽、嚟到門前合埋大眾想祭佢地。
巴拿巴保羅兩個使徒聞得噉樣、就擘爛自己嘅衣裳、跳入眾人之中、
喓話、你地眾人為乜做呢的事呢、我地都係人、共你同性情、傳福音過你地、令你離開呢的虛假、歸翻生活上帝、即係造天造地海、及其中萬物嘅。
先世上帝由得萬國嘅人、各行自己嘅道路。
但未嘗留落自己冇證據、因為佢待得人好、使雨由天落嚟、又令子合時生出、賜我地好多口糧、滿心歡喜呀。
佢兩人講呢的說話、僅僅止住眾人唔祭佢呮。
有的猶太人從安提阿以哥念處嚟、唆聳眾人𢬿石頭打保羅估佢已經死、就拉佢出城外。
但門生圍住保羅個陣時、佢就起身入城、第二日、同巴拿巴去特庇。
已經喺個城傳福音、招好多人做門生、就番去路士得以哥念、安掀阿處。
堅固門生嘅心、勸佢時常篤信、而且話、我地必定由好多艱難、致入得上帝國呀。
兩個人喺各會內、揀擇人立為長老、就禁食祈禱、舉薦佢地過所信之主。
佢地經過彼西底、去到旁非利亞、
喺別伽處傳道、就落去亞大利。
由個處坐船、到安提阿。即係得眾人舉薦、蒙上帝嘅恩、𢬿嚟做所盡嘅職分個處。
已經到、就聚集個教會、講明上帝用佢做出嘅事、及為異邦人開信道之門、佢兩人喺個處、共門生住嘵好耐呀。