有幾個人、從猶太嚟、教眾兄弟話、倘若唔依摩西嘅例受割禮、就不能得救。
保羅巴拿巴已經共佢地爭論得好關係、眾人立定主意、打發保羅巴拿巴、共其中幾個人、為呢件爭端、上耶路撒冷、見使徒共長老。
噉樣、個教會送佢地去、經過腓尼基、撒馬利亞、傳述異邦人歸正嘅事、令眾兄弟十分歡喜。
到嘵耶路撒冷、教會使徒長老迎接佢、佢就𢬿上帝用佢做出嘅事、講過眾人知。
有幾個信徒、係法利賽黨嘅、企起嚟話、必當吩咐異邦人受割禮、兼守摩西嘅律法。
使徒長老就聚集、同埋議論呢的事。
眾人多多辯論、彼得就起身對佢話、列位兄弟呀、你知到上帝至先喺我地之中揀擇我、令異邦人由我嘅口、聽聞福音嘅道就信。
而且識得人心嘅上帝、為佢地做見證、𢬿聖神賜過異邦人、好似賜過我地一樣。
噉就佢地共我地冇分別、係𢬿信德嚟潔淨佢心。如今因何試上帝、𢬿列祖共我地唔狽得起嘅軛、擠倒門生嘅頸呢。
但係我地信我眾人、必定由主耶穌基督嘅恩致得救、共佢地眾人冇分別。
大眾唔出聲、聽巴拿巴保羅講明上帝用佢在異邦人處、所行嘅異蹟奇事。
佢地講完、雅各就話、列位兄弟、聽我講喻。
西門已經講明上帝始初照顧異邦人、喺佢地處、取出的百姓、嚟尊崇自己嘅名。
眾先知嘅說話、同呢的意思相合。
佢書有話、從此之後、我要番嚟、重新整過大闢跌倒嘅帷幕、而且起番好的爛嘅、共提番高佢。
致令其餘的百姓、共但凡奉我名嘅異邦人、都搵主呀、呢的說話、係做事之主所講嘅。
上帝所做嘅事、自上古以來、都知到嘥。
故此我以為異邦人之歸向上帝嘅、唔好攪擾佢。
獨係作封書寄過佢話、應該戒偶像嘅污穢、戒姦淫、又唔好食勒死嘅畜牲共血。
因為自古以來、摩西之書、在各城有傳福音、即每安息日、喺會堂讀嘅係咯。
個陣時、使徒長老共全教會、立定主意、打發其中所揀擇嘅人、即係猶大、又叫巴撒巴、及西拉、佢兩人、係兄弟之中尊貴嘅、同保羅巴拿巴去安提阿。
𢬿封書托佢噉樣話、使徒長老兄弟、請安提阿、敘利亞、基利家嘅異邦各兄弟安。
因為聞得有幾個人、從我地處出去、𢬿說話攪擾你、迷惑你嘅心、話必定受割禮、兼守律法、但我地冇噉樣吩咐佢。
我地已經聚集、同心定意、打發所揀擇嘅人、同我所愛嘅巴拿巴及保羅、去你個處。
呢兩個人、為我主耶穌基督名、唔顧生命嘅。
故此打發猶大西拉、佢必親口講明呢的事。
因為神共我地定意、唔𢬿更重嘅嘢過你擔、獨係呢幾樣緊要嘅呮。
即係戒食祭偶像之物共血、及勒死嘅畜牲及姦淫、你謹慎呢的、就好咯、願你地平安。
呢幾個人、既受打發、就到安提阿聚集眾人、交封書俾佢。
眾人讀過、因得安慰嘅說話、就歡喜。
猶大、西拉、自己都係先知、𢬿好多說話嚟勸兄弟、堅固佢地。
歇好耐、兄弟祝福佢平安、任從佢番去使徒處。
惟係西拉立意喺個處住。
保羅巴拿巴住在安提阿、同好多兄弟、教訓傳主福音嘅道。
過幾日、保羅對巴拿巴話、我地要再去舊時所傳主道嘅各城、睇吓兄弟點樣。
巴拿巴立意、帶約翰名叫馬可嘅同埋去。
但保羅以為唔好帶佢去、因為佢前時在旁非利亞、離開佢地、唔同埋去做事。
噉就彼此爭論、至到兩個分開、巴拿巴帶馬可落船去居比路。
保羅揀擇西拉、得兄弟舉薦、蒙上帝嘅恩、噉就去咯。
佢經過敘利亞基利家、堅守眾教會。