保羅到特庇路士得、喺個處、有一個門生、名叫提摩太、佢嘅母親、係猶太信耶穌嘅、但佢嘅父親、係希利尼人。
提摩丸係路士得以哥念眾兄弟所稱贊嘅。
保羅想帶佢同行、就替佢行割禮、因個處嘅猶太人、都知佢父親係希利尼人呀。
就經過各城、𢬿耶路撒冷嘅使徒長老所立定之規條、俾門生守住。
噉樣、各教會嘅信德、越及堅固、而且人數日日加多。
佢地經過弗呂家、加拉太地方、聖神禁佢傳道在亞西亞。
就到每西亞、試吓去庇推尼、
但聖神唔准佢地。噉就經過每西亞、落到特羅亞。
保羅夜晚見異象、係有一個馬基頓人企處求佢、請你過馬基頓幫助我地、
已經睇過異象、我地即時打算去馬基頓以為主實係叫我地傳福音、俾個處人聽呀。
就由特羅亞開船、一直到撒摩特喇、第二日、到尼亞波利。
喺個處去腓立比、即係馬基頓第一個城、係羅馬駐紮之所、我地在呢個城住嘵幾日。
當安息日我地出城到河邊、平素有人祈禱嘅地方住處、共所聚集踲女人講。
有一個賣布嘅女人、名叫呂底亞、係推雅推喇城嘅人、向來敬畏上帝嘅、聽講個時、主開佢心令佢專心向住保羅所講。
佢共佢一家嘅人受嘵洗禮、就求我地話、若算我係真心信主嘅、請入我嘅屋住、噉就勉強留我地。
後來去到祈禱個處、有一個妹仔遇著我地、佢係被占算之鬼所迷嘅、𢬿占卜嘅法子、令眾主人瞣得好多錢。
個妹仔跟隨保羅共我地喓話、呢的人係至高上帝嘅僕、𢬿得救嘅道、嚟傳過我地𡃉。
佢好多日都係噉。保羅唔中意、就{口佞}轉頭對個鬼話、我託耶穌基督名吩咐你、由佢處出嚟、鬼即時就出。
妹仔嘅眾主人、睇見失嘵瞣錢嘅指望、就執住保羅西拉、拉佢地到市頭、交過官府、
解到官府面前就話、呢的猶太人、擾亂我地城、
傳授我地羅馬人所不當受、不當行嘅規例。
大眾一齊擁起嚟攻擊佢、個的官府剝佢衣裳、吩咐𢬿掍嚟打佢地。
打得好關係、就困落監處、吩咐管監嘅緊守佢。
管監嘅已經承命、就困佢入內監、𢬿木枷閘住佢腳、好堅固。
到半夜、保羅西拉、祈禱唱詩、讚美上肯、個的坐監嘅都聽見。
忽然地大震至到監嘅地腳都郁動、咁多門即刻開嘥、各人嘅枷鎖都甩。
管監嘅人一醒、見監門開嘥、拔出張刀、想殺自己、佢估坐監嘅已經走嘥咯。
保羅大聲叫話、你咪傷害自己、我地大家都喺處。
管監嘅叫人拈火嚟走入去、好戰慄、𡂈倒保羅西拉面前。
帶佢地出嚟話、先生呀、我要點樣行為、致可以得救呢。
佢地話、信主耶穌基督、噉就你共你一家人、都得救咯。
於是𢬿主嘅道、講過佢及佢全家嘅人聽。
夜晚就在個時辰、管監嘅將佢兩個嘅傷口洗過、自己共埋全家、即刻受洗禮。
帶佢兩個入屋、辦一席俾佢地食、佢共全家信賴上帝、十分歡喜。
天光個冒、官府打發差役嚟話、釋放個兩個人去喇。
管監嘅𢬿呢的說話、講過保羅知、話官府打發人嚟放你、如今出去、可以安心行咯。
保羅對佢地話、我地係羅馬人、未曾定罪、當眾人面前打我地、而且困落監處、如今想靜靜放我地出咩、必定唔做得、要等佢自己嚟帶我地出去呀。
差役𢬿呢的說話、講過官府知、官府聞得佢係羅馬人、就慌起嚟。
嚟到、勸慰佢、又帶佢出、請佢離開個城。
兩個人出嘵監、入呂底亞嘅屋、見眾兄弟、勸慰佢地就去。