使徒行傳 17 · 1872《使徒行傳》（粵語聯合譯本）

佢地經過暗妃波里、亞波羅尼亞、到帖撒羅尼迦、個處有猶太人嘅會堂。

保羅照佢規矩、入去會堂、一連三個安息日、共人辯論聖經、

講解明基督應該受苦、由死翻生。又話、我所傳講你聽呢個耶穌、即係基督呀。

猶太人之中、有幾個信徒從保羅西拉、又有好多敬虔嘅希利尼人、尊貴嘅婦女亦唔少。

但個的唔信嘅猶太人、妒忌佢地、招集街上嘅匪徒、成群咁多、攪亂個城、到耶孫嘅屋、想拉佢地交過百姓。

唔搵得倒、就拉耶孫、共幾個兄弟送過管城嘅官、喓話、呢的亂天下嘅人、嚟到呢處。

耶孫收留佢、但呢的都係背逆該撒嘅命令、話有別個王、即耶穌呀。

佢地講呢的說話、眾人共管城嘅官聽聞、就聳動起嚟。

已經取嘵耶孫、共其餘的人嘅擔保、就釋放佢地。

兄弟即時使保羅西拉、漏夜去庇哩亞、一到、就入猶太人會堂。

個的人、好過帖撒羅尼迦人、因為佢心歡喜接個的道、日日查察聖經、果然有噉樣話冇。

所以其中好多人信、又有希利尼尊貴嘅婦女、共男人都唔少。

但帖撒羅尼迦嘅猶太人、一知到保羅傳上帝嘅道在庇哩亞、就到個處、聳動百姓。

兄弟即時使保羅去到海邊、獨係西拉提摩太、重留落庇哩亞。

個的引保羅嘅人、帶佢到雅典、保羅吩咐佢地、叫西拉提摩太快嚟佢處、佢地就去。

保羅喺雅典處等佢地、睇見通城嘅人、專服事偶像、佢心裏頭、就激烈起嚟。

故此喺會堂、共猶太人與及敬虔嘅人辯論、又日日喺市上所遇著嘅都係。

個陣時、有的以彼古羅、及士多亞博學之人、共佢辯論、有的話、呢的嘈吵嘅人、講乜野呢、有的話佢好似傳講別國嘅鬼神、因為保羅講耶穌及復生呀。

眾人就拖佢到亞略巴古處話、你所講嘅新教、可以俾我地知到唔呢。

因為你𢬿奇聞入我地耳、故此我地想知到個的意思。

所有雅典人、與及住倒個處嘅人客、唔打理別樣事、獨係好講新聞、聽新聞呮。

保羅企倒亞略巴古處話、雅典人呀、我見你地、凡事極敬畏鬼神呀。

遊行時、見你所拜嘅、遇著一個壇、有字寫話未識之上帝、你地未識、𢬿嚟奉事嘅、我話過你知。

創造天地萬物嘅上帝、係天地之主、唔住手所做嘅殿。

唔係人手所服事、好似有所需用嘅、佢𢬿生命呼吸嘅氣、共各樣物件、俾過眾人。

而且造萬國百姓、本係一脉、俾全地面過佢住、設立預先定嘅時候、及佢地所住嘅界限。

想佢地尋個主、或者揣摩壬戈倒、其實主離我地各人有遠。

因為我地係賴佢、賴佢動、賴佢存、好似你地有個作詩嘅人話、我地係佢嘅後裔呀。

既然做上帝嘅後裔、就唔應該當上帝嘅性瞌、好比金銀或石、俾人嘅工夫心思嚟雕刻嘅。

從前蒙昧之時、上帝大量待佢、現在吩咐各處眾人悔改、

因為佢已經定嘵一日、必𢬿所立嘅人、照公義嚟審判天下、即係由死翻生、俾憑據過眾人信。

眾人聞得死者翻生、有的譏笑佢嘅、有的話、我地想再聽你講呢的。

保羅噉就離別佢地。

有幾個親近佢嚟信嘅、其中有亞略巴古嘅官、名叫丟尼修、共一個女人、名叫大馬哩、重有幾個人同埋佢。