已經定意、使我地坐船去以大利、就𢬿保羅共另自幾個囚犯、交過西巴士督營中百把總、名叫做猶流嘅。
就搭亞大米田船開身、想經過亞西亞地方、有馬基頓嘅帖撒羅尼迦人、亞哩達古、同埋我地。
第二日、埋西頓、猶流待得保羅甚好、任佢去探朋友、令佢得照顧。
由個處又開船、因為逆風、就從居比路下面經過。
我地既過嘵基利家旁非利亞嘅海、就到呂家嘅每拉。
喺個處、百把總遇著亞力山太嘅船、係去以大利嘅、就使我地搭個隻船。
船行得好慢、好多日、僅僅到革尼士對面、因逆風阻住、我地就從革哩底之下撒摩尼對面去、
僅僅過得、到一處名叫做佳澳、係近住拉西亞城。
經歷好耐、因為禁食嘅日期已經過嘵、船行就好險。
保羅勸眾人噉話、列位呀、我睇得呢次行船、必定好多危險損害、唔止船共貨、就係我地嘅生命、都怕難保。
但百把總信個梢公共個船主、多過信保羅所講。
因呢個港口、過冬唔便、故此大半人話、要離開呢處、或者可以到非尼基過冬、即係革哩底嘅港口、一面向西南、一面向西北。
個陣時、輕輕有南風起、眾人以為得意、就起錨、傍住革哩底噉去。
冇幾耐、風颶就起、風嘅名、叫做友囉噸。
個隻船唔抵得風住、被佢飄去、我地任從佢飄蕩。
飄到一笪海島嘅下便、名叫革老底、僅僅收得番個隻艇仔、
已經得番、使方法護衛、從船底箍住、而且恐防炕沙、就落嘵裏、隨風飄去。
風猛好搖蕩、第二日、丟棄的貨。
第三日、我地親手𢫕嘵船嘅傢伙。
好多日、唔見熱頭星宿、風颶打嚟、仍然唔細、我地得救嘅指望、都絕嘥咯。
眾人好耐唔曾食、保羅企在佢地之中、話、列位呀、你昔日應該聽我嘅話、唔離革哩底、免至遇著呢番危險損害哩。
好今我勸你地安心、除船之外、你地冇一個失生命嘅。
因為我係上帝嘅僕、我服事佢、昨晚佢嘅使者、企我側邊、
話、保羅、唔使怕、你必企該撒面前、而且上帝𢬿同埋船嘅人、賜嘥過你。
故此你地列位放心喇、我信上帝必定係照依話我知嘅、噉樣。
但我地必要炕倒一笪海島處。
到十四晚、我地在亞底亞海飄蕩、約莫半夜時候、水手以為近住岸咯。
就探吓的水、探得二十仞咁深、略略進前、再探得十五仞。
恐怕碰著石、就在船尾拋四門錨、切望天光。
水手想離船逃走、放隻艇也落海假意喺船頭拋錨。
保羅對百把總只兵丁話、呢的人唔留佢在船上、你地就唔得救嘑。
兵丁就斬斷艇仔嘅繩、由得個隻艇跌落去。
將近天光、保羅勸眾人擰野嚟食、話、你地如今已經有十四日觀望、時常抵肚餓、冇野食咯。
故此勸你地羅的野食、致可以得救、因為你地眾人、一條頭髮必唔損失呀。
佢講完呢的、擰餅喺眾人面前、多謝上帝、擘開嚟食。
眾人嘅心都安、亦擰野食。
我地喺船嘅二百七十六人。
食飽之後、佢地將船上嘅麥𢫕落海、令個隻船輕。
到天光、佢地唔識個處係乜地方、但係見一個海灣、有岸可上、就想將船駛埋個處。
故此除嘵錨落海、放鬆舵繩、順風扯起前頭張裏、駛埋岸處。
遇著兩水夾流之處、就炕住隻船、船頭膠緊唔郁得、船尾因浪大崩嘵。
兵丁商量救個的囚犯、怕有泅水走嘅。
百把總想救保羅、阻住佢地意思、吩咐噲泅水嘅、先落水上岸。
其餘的人、或乘住塊板、或乘住船嘅物件、噉樣、佢地大眾、都得救上岸。