已經得救、就知到個海島、名叫米利大。
個處嘅土番、𢬿非常嘅恩惠款待我地、係因落雨、又寒冷、就發著火接納我地。
適值保羅執埋一把柴、擠落火處、火熱、有條毒蛇出嚟、纏住佢手。
個的土番睇見毒物掛住佢手、大家相論話、呢個人直係救人嘅、雖然喺海邊得救、依理佢都唔生得呀。
保羅將毒物撴落火處、總冇傷害。
但個的土番估佢是必腫、或忽然跌處死、等好耐、見佢冇傷害、到轉話佢係上帝呀。
海島嘅頭目、名叫部伯流、有田近住呢處、佢迎接我地、歇宿三日、𢬿恩惠嚟款待。
啱啱部伯流嘅父親發熱病、而且痾血、瞓倒處、保羅入去祈禱、俾手按佢身上、就醫好佢。
做呢的事之後、海島中有病症嘅、亦嚟到得醫好。
就好多禮待我地、臨去個時、𢬿需用嘅物件送過我地。
過嘵三個月、我地搭亞力山太嘅船去、呢隻船嘅記號、係丟士雙子、在呢個海島過冬天嘅。
喺敘拉古處埋頭、住嘵三日。
由個處傍住岸去、到利基翁、隅一日南風起、第二日到部丟利。
在個處遇著兄弟、請我地同埋住嘵七日、噉樣就去羅馬。
羅馬嘅兄弟、亦係聽聞我地嘅事幹、就出到亞比鳥市、名三館個處、迎接我地、保羅見佢地、就多謝上帝、心中安慰。
已經到羅馬、百把總𢬿眾囚犯交過將軍、惟係准保羅同埋一個看守嘅兵另自住。
過三日、保羅請猶太嘅尊長嚟、已經到齊、就對佢地話、列位兄弟呀、我未曾得罪以色列百姓、或背列祖規例、但喺耶路撒冷被人綁住、解過羅馬人嘅手。
羅馬人審我、見冇應死嘅罪、就想放我。
獨係猶太人攔阻我、無奈何要上控該撒、並非係想告我嘅百姓。
因此、我請你地嚟相見相論、因我為以色列百姓所望嘅、就被呢條鍊鎖住。
眾人對佢話、我地未得接猶太論你嘅信、亦未曾有兄弟嚟講你嘅唔好處。
但我想聽聞你嘅意思點樣、因為我知到呢個教門、處處都被毀謗嘅。
大眾定個日子過佢、就好多人嚟到佢住所、保羅從朝到晚、用摩西嘅律法、及先知嘅說話、講解證明上帝嘅道、勸眾人信服耶穌。
但佢所講有人受勸、有人唔信、
大家唔相合、將近散、保羅講一番說話咁話、昔日聖神託先知以賽亞、對我列祖講嘅、直係著、
佢話你去呢的百姓處、話你地雖聽聽唔曉、雖睇睇唔見、
因為呢的百姓心好頑梗嘅、佢耳懶聽、佢眼自己閉埋、怕到俾眼睇見、俾耳聽聞、心中曉得、就噲改變、俾我醫好呀。
所以你應該知到上帝救人嘅道、傳到異邦人、佢必要聽嘅。
保羅講完、猶太人去歸、彼此好多辯論。
保羅自己賃屋住足兩年、但凡嚟探佢嘅、佢無不接納。
傳上帝國、𢬿主耶穌基督嗁事教人、十分有膽志、冇人禁止佢嘅。