申時初、祈禱時候、彼得、約翰同埋上殿、
有一個人、喺老母胎跛嘅、日日俾人擡佢、擠落殿嘅門口處、個門叫做美門、想佢求入殿嘅人施捨。
佢見彼得、約翰將近入殿、就求佢地施捨。
彼得、約翰定眼睇住佢話、睇吓我地。
佢就睇實佢地、望有野得。
彼得話、金銀我都冇、但我所有個的、我俾你、係托拿撒勒耶穌基督嘅名、你起身行。
就執住佢右手抽起佢、佢嘅腳共腳眼、即時硬健。
就跳起企吓、而且行添、同佢兩人入殿、又行又跳、及讚美上帝。
眾百姓見佢行、及讚美上帝。
都識佢係平素坐倒殿堂個度美門求施捨嘅、就十分詫異驚奇佢所遇嘅事。
得好番嘅跛人、執住彼得、約翰、眾百姓好驚慌、走去佢地處、即係稱為所羅門嘅廊頭處。
彼得睇見、對百姓話、以色列人呀、為乜咁詫異呢件事呢、為乜定眼睇住我地呢、好似我倚賴自己嘅才能、或敬虔、令呢個人行咩。
亞伯拉罕、以撒、雅各嘅上帝、我列祖嘅上帝、榮顯佢嘅臣子耶穌、但你地解佢彼拉多擬定放佢、你地都在彼拉多面前唔認佢。
你唔認個聖潔嘅、反求放個殺人嘅俾過你。
你地殺生命嘅主、上帝由死翻生佢嘅、我地為佢做見證。
耶穌嘅名、令你地所見所識嘅人壯健、因信佢名呀、而且呢的信、係從耶穌嚟嘅、致令呢個人、喺你大眾面前得好嘥。
兄弟呀、我如今知到你所做嘅、係由於唔曉得呮、庶地嘅官府、亦係噉樣。
但上帝托佢各先知嘅口、所有預先講基督必定受害嘅、就應驗嘵。
故此你地要悔改歸正、令你嘅罪抺嘥、噉就舒暢嘅日子、可以由主面前嚟到。
主必打發耶穌基督嚟、即係預先傳過你地嘅。
佢應當喺天上、等萬物興起嘅時候、照依上帝托佢古時聖先知嘅口所講嘅。
因為摩西對我列祖話、主你嘅上帝、將來喺你兄弟之中、生出一個先知似我嘅、但凡佢對你講、你一的都要聽呀。
所有唔聽個個先知嘅、必定在民間被滅絕。
自從撒母耳以來、所有先知講嘅、都係預先講呢的日子。
你地係先知嘅子孫、受上帝所立過我列祖嘅約、對亞伯拉罕話、天下各族、將來喺你後裔得福。
如今上帝已經降生佢嘅仔耶穌、先打發佢祝福你、令你各人轉離自己嘅惡呀。