有一個人、名叫亞拿尼亞、共個妻撒非拉、賣嘵產業。
夫妻同謀、靜靜收埋個的價銀幾份、其餘幾份、帶嚟擠倒使徒腳下。
彼得話、亞拿尼亞、為乜俾撒但滿你嘅心、嚟欺騙聖神、靜靜收埋幾份田價呢。
田未曾賣、豈唔係你嘅咩、已經賣個的銀唔係在你權下咩、你個心、為乜生出呢的事呢、你唔係欺騙人、係欺騙上帝。
亞拿尼亞聞得呢的說話、就跌倒處氣絕、但凡聽見呢的事嘅人、個個都好慌、
有的少年人起身、殮埋佢屍、擡出去葬。
過一個半時辰、佢妻入嚟、唔知有呢件事。
彼得對佢話、你地賣田嘅銀、止係咁多咩、話明我知、佢話、止係咁多呮。
彼得對佢話、你地為乜同心算計、試主嘅聖神呢、你睇吓、葬你丈夫的人嘅腳、喺門口處、就擡你出去咯。
個女人即時蹼倒佢腳下、氣就絕嘵、少年人入嚟、見佢已經死、擡佢出去、葬倒佢丈夫側邊。
全教會嘅、共埋但凡聽見呢件事嘅、都好慌。
主託使徒嘅手、喺百姓之中、行好多異蹟奇事、信道嘅人、一心同在所羅門廊頭處。
其餘冇人敢交結佢、但百姓尊佢地為大。
男女信而歸主嘅、以致一隊隊咁多。
甚至有人扶住病人出去街、擠佢瞓在睡椅處、或床處、望彼得經過、佢嘅影或遮住佢。
又有眾人從附近各城、到耶路撒冷、帶住病人、共埋被邪鬼(或作污糟鬼)所害嘅、個個都好番。
個大祭司長共跟隨之人、即係撒吐該嘅黨、都大怒。
個的人即時落手捉使徒、困入大監。
但主嘅使者、夜晚開嘵監門、帶佢地出。
話你地去企倒殿處、𢬿呢的生命道理、講嘥過百姓知。
使徒聞得、就趁天曚光入殿教訓、大祭司長共跟隨佢嘅都嚟、就叫議事公會、及以色列人各長老聚集、又打發人去監處、令佢拉使徒嚟。
個的差到監、唔見使徒、番嚟回覆。
話我地見個監、關埋好堅固、看守嘅人、又企倒門外、開個陣時、裏頭一個人都唔見。
大祭司長同殿司、及列位祭司長、聽見呢的說話、疑惑起嚟、都唔知後來點樣。
有一個人嚟對佢地話、你所困落監嘅人、如今企倒殿處、嚟教訓百姓
殿司共個的差就去、帶使徒嚟、但唔敢勉強佢、因為怕百姓𢬿石嚟打佢。
既帶到嚟、擠佢地企倒公會中、大祭司長問佢地話、
我地唔係嚴禁你地、咪𢬿呢的名嚟傳教咩、你地反然傳過嘥耶路撒冷、唔通你想𢬿
彼得同個的使徒答佢話、聽上帝好過聽人、係應該嘅。
你所掛倒木處殺嘵嘅耶穌、我列祖之上帝已經令佢翻生。
而且舉佢喺自己右邊、做人君、做救主、𢬿嚟賜過以色列人悔改、及得罪赦。
我地為呢的事做見證、上帝賜過信從之人嘅聖神、亦做見證。
眾人聽聞、就激得好惱、設計想殺佢。
有一個法利賽人、名叫迦馬列、係做教法師、眾百姓所尊敬嘅、企倒公會之中、使徒暫時出去。
對眾人話、以色列人呀、你地自己要謹慎、點樣處置呢的人。
因為從前丟大出嚟、自己矜誇、大約有四百人歸附佢、但佢被殺、所有從佢嘅人、都分散、歸於無有。
後來上冊個時、有加利利嘅猶大出嚟、誘惑百姓、好多人從佢、佢亦喪亡、所有從佢嘅、盡地散清。
, 如今我對你講、應該離開呢的人、由得佢、因為佢地所謀所做嘅事、若係從人出嘅、是必噲自己敗壞、
若係從上帝出嘅、你地必不能敗壞佢、而且怕你係攻擊上帝呀。
眾人聽從佢、叫使徒入嚟鞭打、吩咐佢咪𢬿耶穌嘅名嚟講、就釋放佢。
使徒離開公會面前、以為主{竹目大}佢堪當為佢嘅名受羞辱、噉就歡喜。
每日喺殿堂、或喺人嘅家內、不歇教訓、傳講耶穌基督福音。