1
當個陣時、門生越發多嘵、有的講希利尼話嘅猶太人、怨希伯來人、因日日施濟都冇俾佢嘅寡婦。
2
十二使徒叫大眾門生嚟話、我地唔傳上帝道、去料理筵席、係唔合嘅。
3
所以兄弟呀、應該喺你地之中、揀擇七個有好名聲、充滿聖神及智慧嘅、我地立佢嚟辦理呢的事。
4
我地就專務祈禱、及傳道嘅事。
5
大眾歡喜聽呢的說話、就揀擇士提反、佢之為人、充滿信德及聖神嘅、又揀擇腓力、伯羅哥羅、尼加挪、提門、巴米拿、又安提阿、進教嘅尼哥拉。
6
呢幾個人、大眾帶佢企倒使徒面前、使徒祈禱、按手佢地上頭、
7
上帝嘅道、越發生長、在耶路撒冷門生嘅數、加增起嚟、祭司信服嘅亦好多。
8
士提反、充滿信德與及權能、在百姓之中、行大異蹟奇事。
9
個陣時、有屬利百地哪、古利奈、亞力山大、基利家、亞西亞會堂嘅、出嚟共士提反辯駁。
10
士提反講得有智慧、又有靈通、眾人不能駁得。
11
就賄賂的人講話、我地聽聞佢有講褻瀆摩西共上帝嘅說話。
12
噉樣、唆聳百姓、長老、共士子、忽然嚟執住佢、拉到議事公會處。
13
設假見證話、呢個人、不歇毀謗聖所及律法。
14
因為我已經聽聞佢話、呢個拿撒勒耶穌、將要毀拆呢笪地方、而且改變摩西所傳過我地嘅規例。
15
於是坐在公會裏頭嘅人、大家都定眼睇住士提反、見佢嘅面貌、好似天使嘅面貌一樣。