個大祭司長問士提反話、呢的事係噉唔係呢。
士提反話、列位父兄呀、請你聽喇、先日我祖亞伯拉罕、居住米所波大米、未曾住在哈蘭個時、榮光嘅上帝現出嚟對佢話、
出去你所住之地、離開你親屬、去到我所示你知嘅地方。
佢噉就離嘵迦勒底地、住在哈蘭、佢父親死之後、上帝由個處、搬佢到你地如今所住之地。
但係在呢處、上帝冇俾產業過佢、甚至企腳咁闊嘅地方都冇、獨係應承俾呢笪地方過佢、共佢子孫做產業、但個時、佢重唔曾有仔呀。
上帝噉樣講話、佢嘅子孫、將來喺外國寄居、個的人逼佢做奴僕、困苦佢至到四百年咁耐。
上帝又話、逼佢地做奴僕嘅、我必定執責個國、後來佢地出嚟呢處服事我。
噉就𢬿割禮之約、嚟賜過佢、於是亞伯拉罕生以撒、第八日共佢行割禮、以撒生雅各、雅各生十二個祖宗。
個的祖宗、妒忌約瑟、賣佢去埃及、但上帝同埋佢、
救佢出各樣患難、𢬿恩典智慧、在埃及王法老面前俾過佢、法老封佢為埃及共宗室嘅總管。
但當時埃及全地共迦南有飢荒、有大患難、我地祖宗唔搵得倒口糧。
雅各聞得埃及有穀、起初打發我嘅祖宗去。
第二回、約瑟令兄弟認識自己、個陣時、約瑟囓親屬、俾法老知到。
約瑟就打發兄弟、請佢父親雅各、及所有親屬共七十五人嚟。
噉就雅各落去埃及、後來共我嘅祖宗、都死在個處。
移去敘劍、葬落墳墓、即係亞伯拉罕、𢬿銀由敘劍嘅哈抺子孫所買之地。
及至上帝誓願、應許亞伯拉罕嘅時候將到、百姓在埃及處發生、而且荗盛。
至到有新王登位、唔識得約瑟嘅、
佢就詭計謀害我族、難為我祖、吩咐丟棄佢嘅細蚊仔、致到唔得生。
個陣時、摩西生出嚟、十分好樣、喺父親嘅屋養嘵三個月、
丟棄之後、被法老嘅女執起、當作自己仔嚟養。
摩西得埃及人嘅學問、而且說話做事都有才能。
到四十歲個時、心中起意、去探佢兄弟、即係以色列人。
睇見一個人受冤屈、就保護佢、替個受冤屈嘅報仇、將埃及人打死。
佢估兄弟必醒悟、上帝將要托佢手救佢地、誰不知兄弟總唔醒悟。
第二日、又睇見兄弟爭鬥、勸佢地和好話、你地係兄弟、為乜彼此相害呢。
個個不義待兄弟嘅、就拒佢話、乜誰立你做我地嘅官長及刑官呢。
你想殺我、好似昨日殺個埃及人噉咩。
摩西因呢的說話就逃避、喺米田地方寄居、在個處生兩個仔。
過嘵四十年、喺西乃山曠野、有火燄從荊棘中出、主嘅使者現出俾摩西睇。
摩西睇見、驚奇個的異象、就近前睇吓、聽聞主嘅聲對佢話、
我係你列祖嘅上帝、即係亞伯拉罕嘅上帝、以撒嘅上帝、雅各嘅上帝。摩西打震、唔敢睇。
主又對佢話、解甩你腳嘅鞋、因為你企個處係聖地呀。
我百姓喺埃及受苦、我實在見過、佢嘅嗟嘆、我已經聽聞、我降臨救佢地、如今你嚟、我要打發你去埃及呀。
呢個摩西、即係百姓所拒嘅、話乜誰立你做官長做刑官呢、但上帝托荊棘裏頭所現出天使嘅手、打發佢做官長、做救主咯。
佢帶百姓出嚟行奇事異蹟、在埃及地方、在紅海、在曠野、共四十年。
呢個摩西、即對以色列人話、主你嘅上帝、將來喺你兄弟之中、生出一個先知似我嘅、你必要聽佢話。
呢個摩西、先日同埋天使及我列祖在曠野嘅教會處、天使在西乃山同佢講、佢受嘵生命嘅道理、傳授過我地。
我列祖唔肯順從、就拒絕佢、心裏想番去埃及。
對亞倫話、為我地整的神像、嚟先我地行、因為帶我地出埃及、個摩西、我地唔知佢係點樣。
個陣時、就整成一隻牛仔、𢬿祭物嚟祭個像、歡喜自己手所做嘅。
但上帝{口佞}轉便、由得佢奉事天上嘅星宿、照依先知嘅書所話、以色列族呀、你地喺曠野四十年、豈係𢬿畜牲祭物獻過我咩。
你又擡起摩落嘅帷幕、及你上帝臉番嘅星、即係你地所做、𢬿嚟拜嘅像、所以!我要搬你地去巴比倫外面咯。
先日喺曠野、我列祖有做證嘅帷幕、係上帝吩咐摩西、照依佢所睇見嘅樣子嚟做嘅。
呢張帷幕、我列祖共約書亞、擡入去上帝在我列祖之前、所趕逐異邦人嘅地方、我列祖相傳呢張帷幕、直到大闢個時、
大闢喺上帝面前得恩寵、想為雅各嘅上帝、得倒一間住所。
後來所羅門為佢起間殿堂。
但至上者唔住人手所做嘅殿、照依先知所講嘅。
主話、天係我坐位、地係我腳凳、你起乜野屋、𢬿嚟俾我住、邊處係我安息嘅地方呢。
呢的萬物、豈唔係我手所做嘅咩。
你地咁硬頸、心共耳、都未曾受割禮嘅呀、常時背逆聖神、你祖宗所做、你都係噉樣做。
邊一個先知、你祖宗唔迫害嘅呢、而且個的預先話有個義人將近嚟、你祖宗就殺佢、呢個義人、如今你已經解送嚟殺咯。
你地接受天使所講嘅律法、但唔曾守住呀。
眾人聞得呢的說話、激得好惱、咬實牙向住佢。
但士提反被聖神充滿、定眼望住天、睇見上帝嘅榮光、及耶穌企倒上帝右邊。
就話、我見天開嘵、人子企倒上帝右邊呀。
眾人大聲喓起嚟、揞埋耳、同心擁佢。
趕佢出城外、𢬿用石頭打佢、個的做證嘅人、將佢嘅衣裳、擠在一個少年人、名叫掃羅嘅腳下。
大眾𢬿石頭嚟打士提反、士提反禱告話、主耶穌呀、求接我嘅靈魂。
就跪倒處大聲喓話、主呀、咪𢬿呢的罪歸佢地、話完就瞓著、掃羅都歡喜佢死。