摩西在數法對面嘅曠野、即係約但外、巴蘭、陀弗、拉班、哈洗錄、底撒哈、中間、佢所對以色列眾人講嘅說法、列明在後。
從何烈山經過西耳山、至到迦鐵巴尼亞、有十一日路程。
到四十年十一月初一日、摩西遵依耶和華凡吩咐嘅、對以色列人講。
佢已經將住在希實本嘅亞摩哩王西宏、及住在以得來亞大錄嘅巴山王噩殺嘵。
於是摩西在約但外摩押地、開口宣傳呢的律法、話。
耶和華我哋嘅神、在何烈山吩咐我哋話、我哋住在呢個山上、已經咁耐罷咯。
要起程轉路去亞摩哩人嘅山、及近個處嘅地方、入山地共平地、南方共海邊、迦南人嘅地、共利巴嫩山、一直到伯辣大河。
我也曾將此地放室你哋面前、你哋可以入去承受個笪地、即係耶和華向你哋列祖亞伯拉罕、以撒、雅各、發誓話、必賜過佢及佢後裔嘅。
當日我對你哋話、我獨倚賴自己、不能打理你哋。
因為耶和華你嘅神、加增你哋嘅人數、等到如今、好似天上嘅星宿咁多。
願耶和華你列祖嘅神、越發加增你人數千倍添、又祝福你哋、照佢所應承嘅。
但我獨自一個人、點能擔當你哋職任、管理你哋、審判你哋嘅爭訟呢。
你哋要揀擇有智慧才能嘅人、係你眾支派平素所識嘅、等我立佢做你哋嘅官長。
你哋答我話、照你所講嚟行、係好呀。
噉就我將你哋嘅支派長、有智慧嘅人、大眾所識嘅、立佢做你哋嘅官長、千總、百把總、五十長、十長、做你哋支派中嘅官。
當日我禁戒你哋嘅審事官話、你審判兄弟個時、唔論人共兄弟爭訟、或共旅客爭訟、都要照公義嚟審判。
審判各樣事、唔好偏心待人、聽訟不可分貴賤、唔好因人嘅面貌、就懼怕、因為審判係神嘅事、你哋若有不能決斷嘅事、要話過我知、我就審判。
當時你哋凡所當行嘅事、我也曾吩咐咯。
我哋遵依耶和華我哋嘅神所吩咐、離開何烈山、直行到闊大可怕嘅曠野、即係你哋在亞摩哩山、路上所見嘅、我哋就嚟到迦鐵巴尼亞。
我就對你哋話、你哋已經嚟到亞摩哩人嘅山、即係耶和華我哋嘅神所賜過我哋嘅。
睇吖、耶和華你嘅神將個的地放在你面前、你哋要遵依你列祖嘅神耶和華所吩咐你哋嘅、上去承受地業、唔使驚慌。
你哋眾人、都嚟我面前話、我哋要打發人先去窺探的地、等佢番嚟、回覆我哋、由邊條路上嚟、到邊的城邑。
呢的說話、我以為係好、就從你哋之中、揀擇十二人、每支派一人。
佢哋起行上山、去到以實各谷嚟窺探。
又將個的嘅果子、擰落嚟我哋處、回覆我哋話、耶和華我哋嘅神所賜過我嘅地、係美地呀。
但你哋唔肯去、又背逆耶和華你神嘅命令。
你哋又在帳幕裏頭怨恨話、耶和華憎惡我哋、故此帶我哋出埃及、嚟交過亞摩哩人手、剿滅我哋。
我哋向邊處去呢、我哋兄弟都心慌、個處嘅人高大過我哋、個的城邑又高大、直頂到天、又話見到亞納人嘅仔。
喺處、就令我哋好慌、我對你哋話、唔使因佢哋驚慌。
既先行帶你去嘅神耶和華、必為你哋打仗、好似佢在埃及在你哋眼前所行嘅噉。
亦好似行在曠野處、你哋睇見耶和華你嘅神在你所行嘅路上、孭起你哋、好似人孭起仔女噉、等待你哋嚟到呢處。
但在呢件事、你哋都唔信耶和華你嘅神。
耶和華先行帶你哋去、為你哋搵撘布帳嘅地方、日間用雲、夜晚用火光、指示你哋當行嘅路。
耶和華聽聞你哋所講、就惱怒發誓話。
在呢的奸惡嘅世代人中、總冇一個人得見我所發誓賜過你哋列祖嘅地方。
惟係耶孚尼嘅仔迦勒得見、佢腳所踏過嘅地、我必𢬿嚟賜過佢及佢嘅子孫、因佢盡心順從耶和華呀。
耶和華因你哋、亦惱怒我、就吩咐我話、你都不得入個處。
惟係嫩嘅仔約書亞、即伺候你嘅、佢必得入去、你要堅固佢嘅心、因佢必使以色列人待個處做產業。
兼之你哋嘅嫩仔、即係你話必定被虜掠嘅、你哋嘅仔女、當日唔噲分別善惡嘅、佢必入去、我都將此地俾過佢哋、佢必得倒。
惟係你哋、要起程、轉路入曠野、由紅海個條路去。
你哋就答我話、我哋得罪耶和華、願遵依耶和華凡所吩咐嘅、上去打仗、你哋各人、就帶住兵器、急的上山。
耶和華吩咐我話、你對佢哋話、唔好去打仗、恐怕你被仇敵打敗、因為我唔在你哋之中。
噉就我對你哋講、但你哋唔聽從、背逆耶和華嘅命令、擅自上山。
住在山中嘅亞摩哩人、就出嚟攻打你哋、趕你哋好似蜂擁一樣、在西耳打退你哋、至到曷馬。
你哋番嚟在耶和華面前哭喊、耶和華唔聽你哋嘅聲音、唔向你哋側耳、
所以你哋住在迦鐵好耐、即係你哋所住在個處咁多日子。