申命記 11 · 1888《復傳律例書》（《申命記》，香港理工大學）

故此你要敬愛耶和華你嘅神、常時守佢所交託嘅、及佢嘅規條、法度、誡命。

你哋今日應當知到、我唔共你嘅仔女講、因為佢哋未曾知到、未曾睇見耶和華你神嘅責罰、及佢嘅威勢、能力、舉手、

奇蹟、作用、即在埃及地向埃及王法老共佢通國所行嘅。

又未曾睇見佢向埃及國嘅兵馬共馬車所行、即係埃及人追趕你哋個時、佢使紅海嘅水(口沈)過、又滅絕佢哋、至到今日。

又未曾睇見佢在曠野、點樣待你哋、至到嚟呢處。

又點樣待流便嘅後裔、以利押嘅仔大單亞庇蘭、使地擘開口、吞嘵佢哋、共家眷、帳幕及在以色列中、所有跟隨佢哋嘅生物。

惟係你哋親眼睇見耶和華你嘅神所行嘅大事。

故此你哋要守我今日所吩咐你嘅誡命、等可以強壯、入去承受所要得嘅地。

亦可以長久住灰耶和華向你列祖所發誓應承賜過佢及佢子孫嘅地、即係流乳共蜜糖嘅地。

你所入去承受嘅地、唔同你所出嘵嘅埃及地、即係耕種用腳力淋瀨、好似淋瀨菜園一樣。

惟係你所入去承受嘅地、係有山有谷、得天雨浸灌嘅。

係耶和華你嘅神所睇顧嘅地、從年頭到年尾、耶和華你嘅神、都常時睇住。

你哋若聽從我今日所吩咐你嘅誡命、愛耶和華你嘅神、又盡心盡性嚟服事佢。

我必依住時候、令你田土所需用嘅雨降、即係先雨後雨、等你哋可以收成五穀、酒、油。

亦使你哋效野生草、養你嘅畜牲、等你可以食、又得飽。

你哋應當謹慎、恐怕你心裏迷惑、奉事別神、又敬拜佢。

致令耶和華惱怒攻擊你哋、閉塞個天、唔落雨、地就冇生產、噉就你哋在耶和華所賜嘅美地急速滅絕。

所有你哋要將我嘅說話藏在心中性中、又(糸帮)在手上做記號、寫在眼前做印誌。

亦要將嚟教訓你嘅仔女、或喺屋裏坐、或喺路上行、或瞓處、或起身、都要講論。

亦要寫在你屋嘅門枋上、及門口處。

等在耶和華所發誓應承賜過你列祖嘅地方、你及你嘅子孫、日子加多、好似天遮盖地咁耐。

我所吩咐你哋嘅誡命、你哋若係謹守遵行、敬愛耶和華你嘅神、行佢嘅道、又思慕佢。

耶和華就必在你哋面前趕逐嘥的列國人、你哋得勝的強大過你嘅國。

你腳所踏處嘅地方、都必歸你哋、從曠野至利巴嫩從百辣河至到極邊嘅海、係你哋嘅境界。

必冇人可以企在你哋面前、因為耶和華你嘅神、噲使你所行到各處地方嘅人、驚慌畏懼你哋、照依佢所講過你知嘅噉。

睇吖、我今日將祝福共咒詛同放在你哋面前。

你哋若遵依耶和華你嘅神嘅誡命、即係我今日所吩咐你哋嘅、你就得祝福。

若唔肯遵依耶和華你嘅神嘅誡命、反轉離開我今日所吩咐你嘅道、去順從別神、即係你哋所未識嘅、你就得咒詛。

耶和華你嘅神、已經帶你哋入所承受嘅地、你就要在其哩心山將祝福嘅說話宣傳、在以八山將咒詛嘅說話宣傳。

呢兩個山、唔係在約但河外日落個處、在住曠野嘅迦南人地方、共吉甲相對、近摩哩橡樹側邊咩。

你哋要過約但河、入去承受耶和華你嘅神所賜過你哋嘅地、必承受嚟居住。

你哋要遵依我今日在你面前所講明嘅法度規條嚟做。