你哋在世上咁耐日子、在你列祖嘅神所賜過你做產業嘅地方、所當行嘅規條法度係噉。
在所奪倒嘅國、凡係佢哋奉事各神嘅地方、或在高山、或在嶺上、或在樹林之下、你哋都要盡哋毀滅。
要拆毀佢哋嘅祭壇、打爛石像、用火焚燒木柱、砍爛所雕刻嘅偶像、將個的名、在個處除滅。
你哋唔好照噉樣奉事耶和華你嘅神。
惟係耶和華你嘅神、將來從你哋支派中所選擇個處安置佢名嘅地方、即係佢嘅住所、你哋就去個處敬求。
而且燔祭、及各樣祭物、十份取一嘅物、舉獻祭、還願祭、樂意祭、第一胎嘅牛羊、都要擰去個處。
亦喺處在耶和華面前飲食、而且你手所做各樣嘅、加增快樂、你及你嘅家眷、蒙耶和華你嘅神所祝福嘅、都係噉。
唔好學番我哋今日喺呢處所行、獨係各人以為自己想做係著噉、你哋照噉樣嚟行。
因為耶和華你嘅神、所賜過你嘅安息地、及產業、你哋未曾入到。
但你哋過嘵約但河、得住在耶和華你嘅神所賜過你嘅地、趕逐四圍嘅仇敵、又賜你哋平安、使你哋安樂居住。
個陣時你要將燔祭、及各樣祭物、十份取一嘅物、手中嘅舉獻祭、共在耶和華面前所許至好嘅還願祭、都擰去耶和華你嘅神所選擇安置佢嘅名個處。
而且你哋共你嘅仔、女、僕、婢、要在耶和華你嘅神面前歡樂、住在你哋城裏嘅利未人、都係、因利未人在你哋之中、有份得產業呀。
你要謹慎、唔好隨處獻祭。
惟係在耶和華喺你各支派中所選擇嘅地方、你要在個處獻你嘅燔祭、又照我凡所吩咐你嘅嚟行。
但係你亦可以在各城裏劏畜牲食肉、從你心所想嘅、照耶和華你嘅神所賜過你嘅福、唔論係潔淨人、或唔潔淨人、都可以食、好似食獐鹿一樣。
獨唔好食個的血、要𢬿嚟倒落地、好似倒水噉。
穀、油、酒、嘅十份一、第一胎牛羊、還願祭、樂意祭、舉獻祭、都唔好在你哋城裏擰嚟食。
要在耶和華你嘅神面前擰嚟食、即在神所選擇個處、你共你嘅仔、女、僕、婢、及住在你哋城裏嘅利未人、都要噉做、𢬿你手凡所做嘅、在耶和華你嘅神面前歡樂。
你要謹慎、在你嘅地方、一世唔好丟棄利未人。
當耶和華你嘅神照佢所應承你嘅、使你嘅地界闊大之時、你心裏若想食肉、話、我要食肉、噉就你可以食、凡所想食嘅肉。
倘若耶和華你嘅神所揀選安置佢名嘅地方、離你好遠、你就可以照我所吩咐你嘅、將耶和華賜過你嘅牛羊劏嘵、隨你心所想嘅、在你城裏擰嚟食。
好似食獐鹿一樣、你食個的肉、唔論係潔淨人、或唔潔淨人、都可以同食。
獨要切記、唔好食個的血、因為的血、係生命、唔好將肉連生命同食。
你唔好𢬿嚟食、要𢬿嚟倒落地、好似倒水。
你唔好食的血、等你及你嘅子孫、照耶和華以為係善嘅嚟行、就得福。
獨係你所分別為聖嘅物、共你嘅還願祭、要擰到耶和華所選擇嘅地方。
你若獻燔祭、個的血共肉、都要獻在耶和華你神嘅壇上、若獻別的祭物、就要將血倒在耶和華你神嘅壇上、個的肉、你就𢬿嚟食。
呢的說話、係我所吩咐你嘅、你應當謹守、聽從、等你及你嘅子孫、照耶和華你嘅神以為係善係義嘅嚟行、就到永遠得福咯。
耶和華你嘅神、已經在你面前除滅你所入去承受嘅國、你得個的產業、在個處居住之時。
就要謹慎、恐怕佢哋被滅絕之後、你哋被迷惑、學番佢哋噉、又恐怕你訪問佢哋嘅神、話、呢的國點樣奉事佢哋嘅神呢、我都想照噉樣行。
但你唔好在耶和華你嘅神面前噉樣行、因為個的人、奉事佢哋神、就行嘥耶和華所憎惡所惱怒嘅事、至到將自己嘅仔女、用木焚燒、獻過佢哋嘅卸。
凡我所吩咐你嘅、你要謹守遵行、唔好加多、亦唔好減少。