你哋係耶和華你神嘅仔女、不可為死人割自己身體、不可剃去眼眉中間嘅毛。
因為你係耶和華嘅聖民、耶和華從世上萬國之中、揀選你做佢嘅子民。
凡可憎惡嘅物、你都不可食。
畜牲之中、你可食得嘅係牛、綿羊、山羊。
鹿、麞、大鹿、大羊、糜鹿、野牛、羚羊。
畜牲之中、凡係蹄分兩半、番嚼嘅、你都可以食。
惟番嚼嘅個一類中、蹄分兩半嘅個一類中、有不可食嘅、即係駱駝、白兎、唦噃、因個的係番嚼唔分蹄嘅、你哋要以為唔潔淨。
豬雖然分蹄、但唔番嚼、你哋亦要以為唔潔淨、不可食佢嘅肉、唔好摩佢嘅屍。
在水中嘅物、凡係有翅有鱗嘅、你都可以食。
惟冇翅冇鱗嘅、你哋不可食、你要以為唔潔淨。
凡潔淨嘅雀鳥、你哋都可以食。
所有不可食嘅、係鷹、鶚、鵰。
鳶、鸇、細鷹、共佢嘅同類。
烏鴉共佢嘅同類。
駝鳥公、駝鳥母、魚鷹、雀鷹、共佢嘅同類。
鸕鷀、鷺鷥、鴪。
鵜鶘、爰居、魚狗。
白鶴、鶧鵡、共佢嘅同類、鴽、蝠鼠。
凡𡂈處行嘅飛蟲、你哋要以為唔潔淨、不可食。
凡潔淨嘅飛物、你哋都可以食。
凡自死嘅物、你哋不可食、可以俾過你城內嘅旅客食、或賣過異邦人、因為你係耶和華你神嘅聖民、你不可用羊母嘅奶嚟煮羊仔。
每年在地撒種所產嘅、你要十份取一份。
五穀、酒、油、嘅十份一、及第一胎嘅牛羊、你要在耶和華你神嘅面前擰嚟食、即係佢所揀擇安置佢名巳戈地方、等你可以學效常時敬畏耶和華你嘅神。
當耶和華你嘅神祝福你之時、若見路遠、不能將此物擰去個處、因耶和華你嘅神所安置佢名嘅地方、離你咁遠。
你就要將此物換銀、將銀包起、用手擰去耶和華你嘅神所揀擇嘅地方。
將個的銀、照心所想嘅、或買牛、或買羊、或買清酒、或買濃酒、或買你心所想嘅、你及你嘅家眷、都要在耶和華你嘅神面前飲食、同埋歡樂呀。
利未人在你哋城內住嘅、亦係噉、你唔好丟棄佢、因佢在你哋之中、冇份子、冇產業。
每逢到三年尾、要將個年土產嘅十份一、藏落你嘅城中。
在你哋之中、冇份子、冇產業、嘅利未人、共住在你城中嘅旅客、孤兒、寡婦、都可以嚟到食飽、等耶和華你嘅神在你手凡所做嘅事嚟祝福你。