申命記 15 · 1888《復傳律例書》（《申命記》，香港理工大學）

每逢到七年尾、你要行一次解釋。

解釋嘅定例係噉、凡債主借銀過鄰舍、就要免嘵、佢不可催逼鄰舍及兄弟還番、因為既普告眾人、個年係耶和華嘅解釋。

若係異邦人、你可以催佢還番、但你嘅財物、借過你兄弟、要在你手上免嘵。

等在你哋之中、必冇貧窮嘅、因為耶和華你嘅神在所賜過你睯地方、必大祝福你。

獨係你要聽從耶和華你神嘅說話、謹守遵行各樣誡命、即係我今日所吩咐你嘅。

因為耶和華你嘅神必照佢所應承嘅嚟祝福你、好多國向你借貸、但你唔使向人借貸、好多國受你管轄、但佢哋不能管轄你。

在耶和華你嘅神所賜過你嘅地方、或城內嘅人、有貧窮嘅、係兄弟之中一個、你就不可硬心縮手、唔幫助你貧窮嘅兄弟。

你必要發手照佢所欠缺嘅借過佢、令佢够使。

你要謹慎、恐怕你心裏起惡意、話、第七年解釋年將近到咯、就唔肯睇顧你貧窮嘅兄弟、唔賙濟佢、致令佢因你嘅緣故、禱求耶和華、噉就罪歸於你。

你必要賙濟佢、都唔好心唔甘、因為你若噉做、耶和華你嘅神在你所有嘅事手凡所做嘅、必定祝福你。

因為貧窮嘅人、在你嘅地上、常時都有、故此我吩咐你話、你要向你嘅兄弟發手、即係住在你嘅地止、所有貧難窮苦人。

若在你兄弟之中、或係希伯來族嘅男人女人、被賣過你、已經服事你六年、到第七年、你就要釋放佢自由。

而且你釋放佢個時、唔好使佢空手去。

要從羊群穀倉酒榨之中、將好多嚟賜過佢、照耶和華你嘅神所祝福你嘅噉樣賜過佢。

要記念從前係在埃及地做奴僕、耶和華你嘅神也曾救贖你、故此我今日𢬿呢的吩咐你。

倘若僕人悅意同埋你住、愛你及你嘅家眷、就對你話、我唔願離開你。

你就要用鐵錐㓤穿佢耳在門枋處、噉佢就永遠做你嘅僕、待你嘅妹仔、亦要噉。

釋放佢個時、唔好以為自難、因為佢已經服事你六年、比較工人嘅工價、加一倍咯、而且耶和華你嘅神、在你所行嘅、必祝福你。

你牛群羊群中、凡初胎嘅公、應當分別為聖、歸於耶和華你嘅神、初胎嘅牛公、不可用佢耕田、初胎嘅羊公、不可剪佢嘅毛。

你共你嘅家眷、每年都要在耶和華你嘅神面前、𢬿呢等嚟食、即係在耶和華所揀擇個處地方。

或牛羊有瑕疵嘅、即係跛腳嘅、及各樣弊病嘅、你不可𢬿嚟獻過耶和華你嘅神。

要在城裏食、潔淨人、共唔潔淨人、都可以食、好似食獐共鹿一樣、

獨係不可食的血、要倒落地上、好似倒水噉。