凡有瑕疵、或肢體唔全嘅牛羊、你唔好𢬿嚟獻過耶和華你嘅神、因為呢的係耶和華你嘅神所憎惡嘅。
若你哋之中、在耶和華你嘅神凡所賜過你嘅城裏、或有男人女人、在耶和華你嘅神面前行惡、背逆佢嘅約。
去服事敬拜別神、或日、或月、或眾天軍之一、係我所未曾吩咐你嘅。
若有人將此事話過你知、你得聽聞、就要落力查問、若確實知到、果然在以色列人中、有行呢的可惡嘅事。
你就要將行呢的惡事嘅男人、或女人、拉到城門、用石矴死、個男人或女人。
或憑兩個或三個人做證、應當死嘅人、就可以治死、若淨係一個人做證、就不可治死。
證人先落手矴佢、將佢治死、隨後百姓亦落手、噉樣、就從你哋之中、除滅惡事咯。
你哋城中、若有爭論嘅事、或彼此流血、告訟、打交、難審判定落嘅、你就要起程去耶和華你嘅神所揀選嘅地方。
見當時做祭司嘅利未人、及先時做審事官嘅、請問佢哋、佢哋就指示點樣判斷至著。
佢哋在耶和華你嘅神所揀擇嘅地方指示你嘅判斷、你必要遵行、凡佢哋所教你嘅、你必謹守嚟行。
將律法教你點樣審事講點樣判斷嘅話、你必要遵行、不可偏左偏右、離開佢哋所吩咐你嘅。
若有人擅自嚟行、唔聽從在耶和華你嘅神面前侍奉嘅祭司、或唔聽從審事官、個人必要受死、你要從以色列中、除滅惡事。
使百姓聽聞就懼怕、唔敢再擅自嚟行。
你到嘵耶和華你嘅神所賜過你嘅地方、承受居住、你若話我要立一個做我哋嘅王、好似我四圍嘅列國噉。
就耶和華你嘅神所揀選嘅人、你必立佢做王、從你兄弟之中、可以立一個做王、若係異邦人、唔係你兄弟、就不可立佢做王。
獨係做王嘅、唔好為自己養多馬匹、亦不可因想得多馬匹、就使百姓番去埃及、因為耶和華也曾吩咐你話、唔好再番去個處。
亦不可為自己立多妃嬪、免致佢心背理、亦不可為自己積多金銀。
佢在國中登位個時、就要將呢的律法寫落書內、即係照祭司利未人所守嘅律法書嚟抄錄。
個部書、要存在佢處、一生咁耐日子、都擰嚟讀、等佢知到敬畏耶和華佢嘅神、遵依律法嘅說話、及各樣條例嚟行。
免致佢心裏睇輕兄弟、又免致偏左偏右、離開誡命、噉就可以共佢嘅子孫長久做王在以色列之中。