耶和華你嘅神將來滅嘵列國、即係神𢬿嚟賜過你嘅列國、使你承受佢哋產業、居住佢哋邑、佔奪佢哋屋舍。
個陣、你就要在耶和華你嘅神所賜過你嘅地、為自己分別開三個城。
將耶和華你嘅神所賜過你嘅地界、分開做三處、又為自己開一條路、等殺人嘅人、可以逃走到個處。
殺嘵人、走去個處得生嘅、定例係噉、即係平素冇仇恨、誤殺佢隣舍嘅。
好比有人同埋隣舍入樹林處、斬樹木、用手揸斧頭斬落去、想斬斷個的木、但斧頭甪柄、砍在隣舍身上、就死個人必要逃走到一個城、致得生活。
恐怕有熱心為死人報仇嘅、追趕殺人嘅人、係因路途太遠、就噲追倒佢、將佢殺死、但佢係唔應死嘅、因為平素冇仇恨呀。
所以我吩咐你話、你要為自己分別開三個城、
若耶和華你嘅神照佢也曾向你列祖發誓嘅、將佢所應承賜過你列祖嘅全地都賜過你、使你嘅境界闊大。
若你遵行我今日所吩咐你嘅各誡命、敬愛耶和華你嘅神、行佢嘅道、噉就在呢三個城之外、要再為自己設三個城添。
等無辜嘅血、唔流在耶和華你嘅神所賜過你做產業嘅地方、免致流血嘅罪歸於你。
或有人仇恨隣舍、𨉖埋一處、忽然出嚟打佢、傷害佢性命、就逃走入此城之一城。
個城嘅長老、就要打發人捉住佢、將佢交過為死人報仇嘅手中、𢬿佢治死。
你眼唔好睇惜佢、在以色列中、要除去無辜嘅血、等你可以得福。
你唔好改移你隣舍嘅田界、係先人在你哋產業中立定嘅、即係你所承繼在耶和華你嘅神賜過你承受嘅地方。
人唔論犯乜嘢嘅罪愆、必要兩三個證人、就可以定罪、獨係一個證人、就不可。
若有人妄證嘅起嚟攻擊某人、證佢行惡。
個兩個爭訟嘅人、都要企在耶和華面前、及在當時做祭司、共審事官嘅面前。
審事官必子細查察、若做證嘅係假偽、果然妄證佢兄弟。
就要照佢想看待兄弟噉樣看待佢、就從你哋之中、除滅呢的惡事。
其餘嘅人、聽聞必懼怕、唔敢再喺你哋之中、行噉嘅惡事咯。
你眼唔好睇惜佢、應當𢬿命賠命、𢬿眼賠眼、𢬿牙賠牙、𢬿腳賠腳呀。