我哋就起程、轉路入曠野、向紅海個條路去、照依耶和華對我所講嘅、又行勻西耳山好多日。
耶和華對我話。
你哋行勻呢個山咁耐罷咯、要轉向北便去。
你吩咐百姓話、要經過你兄弟以掃嘅子孫所住西耳嘅境界、佢哋必懼怕你、所以你哋要謹慎。
唔好攪擾佢哋、因為佢個的地、我唔賜過你哋、即使踏腳咁多都唔賜、因我已經將西耳山、賜過以掃做產業咯。
你必要用銀共佢哋買糧、致有得食、你亦要用銀共佢哋買水、致有得飲。
因為耶和華你嘅神、已經祝福你手所做嘅事、又知到你行過咁大嘅曠野、此四十年之間、耶和華你嘅神、同埋你喺嗻、令你一的都冇欠缺。
噉就我哋經濟我兄弟以掃嘅子孫、即係住在西耳山嘅、由以辣及以旬迦別、喺曠野個條路。我哋就轉路向摩押曠野去。
耶和華吩咐我話、你唔好攪擾摩押人、唔好攻打佢哋、佢嘅地方、我唔𢬿嚟賜過你哋做產業、因為已經將亞耳賜過羅得子孫做產業。
從前有以米人住在個處、百分點眾多、身體高大、好似亞納人。
人作佢係奇偉人、好似亞納人噉、摩押人稱佢為以米人。
從前何林人、亦住在西耳、以掃嘅子孫將佢哋剿滅、得個的地嚟居住、好似以色列人在耶和華賜過佢哋做產業所行嘅一樣。
又話、如今起身、過西勒溪、於是我哋過西勒河。
我哋從迦鐵巴尼亞嚟個時、至到過西勒溪個日、共計三十八年、等到呢個世代嘅各勇士、都死在軍中、照耶和華向佢哋所發誓嘅噉。
兼之耶和華嘅手攻擊佢哋、從軍中將佢哋剿滅嘥。
噉就各勇士在百姓中死嘥個時。
耶和華吩咐我話。
今日、你要直行過摩押嘅邊界亞耳。
行交亞捫人處、唔好攪擾佢哋、亦唔好攻打佢哋、因為亞捫子孫嘅地、我唔𢬿嚟賜過你做產業、已經賜過羅得子孫做產業咯。
從古時有奇偉人住在個處、人話個處係奇偉人嘅地、亞捫人稱佢做三送冥。
個處嘅百姓眾多、身體高大、好似亞納人、但耶和華在亞捫人面前、將佢哋剿滅、使亞捫人得個的地嚟居住。
耶和華所行、亦好似在住西耳山嘅以掃子孫面前、剿滅何林人噉、使以掃子孫得個的地嚟居住、至到今日。
從前甲托人、由甲托出嚟、將住在哈洗林至到亞薩嘅亞筴人嚟剿滅、就喺佢哋個處居住。
又話、你哋要起程行過亞嫩谷、睇吖、我將亞摩哩人希實本王西宏交過你手、你如今要喐手得佢嘅地、去共佢打仗。
今日、我必使天下萬民畏懼你、等佢哋聽聞你嘅名聲、都慌到打震悲哀。
我於是打發使者、由基底莫嘅曠野、到希實本王西宏處、將和睦嘅言語、對佢話。
求你准我經過你嘅地、獨係行大路、唔行左便右便。
願你受我嘅銀、將糧賣過我食、亦受我嘅銀、將水賣過我飲、但願你俾我行過。
等可以過約但河、到耶和華我哋嘅神所賜過我嘅地方、你看待我哋、要好似住在西耳嘅以掃子孫、住在亞耳嘅摩押人噉。
但希實本王西宏唔准我哋行過佢處、因為耶和華你嘅神、使佢性情頑梗、心中剛硬、等可以將佢交過你手、好似今日。
耶和華吩咐我話、睇吖、我𢬿西宏及佢嘅地、賜過你、你要喐手得到佢嘅地做產業。
個時、西宏共佢嘅百姓出嚟攻打我哋、在亞哈斯交戰。
耶和華我哋嘅神、將佢交過我哋、噉就我哋攻擊佢嘅眾子、及百姓。
個時、我哋搶奪佢嘅城邑、將各城共所有嘅男女及細蚊仔、都剿滅嘥、一個都冇留存。
惟係畜牲及所搶奪各城嘅物件、盡留存我自己用。
從亞嫩谷邊嘅亞囉耳、共山谷中嘅城、一直到基列、冇一個城係堅固、得阻住我哋、因為耶和華我哋嘅神、都𢬿嘥嚟交過我哋。
獨係亞捫人嘅地、及凡近雅泊河個處、共山上嘅各城、及耶和華我哋嘅神所禁止我哋入去嘅、你都冇去到。