你若見你兄弟嘅牛羊迷失路途、不可詐作唔見、必要帶番去兄弟處。
你兄弟若離你遠、或你唔識佢、就要拉到自己家中、同埋你喺處、等到你兄弟嚟搵尋、致俾番佢。
你遇見佢嘅驢、或遇見佢嘅衣服、及佢凡失漏嘅物件、都必要噉樣行、不可詐作唔見。
若見你兄弟嘅牛驢跌在路邊、不可詐作唔見、必要幫助佢扶起。
女人唔好著男人衣服、男人唔好著女人衣服、凡噉樣行嘅、係耶和華你嘅神所憎惡呀。
你在路上、若遇見雀(木鬥)在你面前、或在樹上、或在地上、裏便有雀仔、或雀蛋、雀乸𡂈在雀仔上、或在雀蛋上、你不可將乸共仔都捉去。
應當放乸飛去、獨係擰佢仔、噉就可以得福、加增日子。
你若起新屋、要在屋背四圍安欄杆、恐怕有人從屋上跌落嚟、致令流血嘅罪、歸放你屋企。
你不可將兩樣嘅種、撒在你菩提園、恐怕你撒落嘅種、所結嘅果子、及菩提樹所結嘅果子、都不可用。
你不可用牛驢同埋耕田。
不可著閒雜嘅衣服、即係將羊毛共細麻同織嘅。
你所著在身嘅衫、要在衫邊四圍整繸。
若有人娶妻、共佢同房之後、就憎惡佢。
羞辱佢、令佢有唔好嘅聲名、即係話我娶呢個女人、 共佢同房、見佢唔貞潔。
女人嘅父母、就要將個女守貞嘅憑據、擰去本城嘅門、到長老處。
女人嘅父親、要對長老話、我將我嘅女、俾呢個人為妻、但佢憎惡佢。
羞辱佢、話、我見個女人唔貞潔、但我女守貞嘅憑據喺呢處、於是父母就將布擺在本城長老面前。
本城嘅長老、要捉住個人、嚟責罰佢。
又罰佢出銀一百隄喀、俾過女人嘅父親、女人仍然做佢妻、一生咁耐、不可出佢、因為佢將惡名、加在以色列貞潔童女嘅身上。
若個的事係真實、女人冇守貞嘅憑據、就要捉回女人出去、帶到佢父母屋𨀣門口、本城嘅人、要用石將佢矴死。
因為佢從以色列人中、在父家行姦淫嘅事、噉樣、就在你哋之中、將此惡除滅。
人若共有丈夫嘅婦人同房、就要將個婦人、及個姦夫、一齊治死、噉樣、在你哋之中、將此惡除滅。
若有童女受丈夫聘定、有人在城裏遇著佢、共佢行淫。
你哋就要捉佢兩人、帶出城門、用石矴死佢哋、因為個童女、雖然在城裏、但冇叫喊、亦因緣個男人、玷辱隣舍嘅妻呀、噉樣、在你哋之中、將此惡除滅。
若有人在田野、遇見曾受聘定嘅童女、勉強共佢行淫、獨是要將個共童女行淫嘅男人治死。
就唔使定個童女嘅罪、因佢冇應死嘅罪呀、呢的事係好似人起身去殺死鄰舍一樣。
因為個人、在田野、遇見曾受聘定嘅童女、童女雖然叫喊、亦冇人救佢。
若有人遇見未曾受聘嘅童女、勉強佢同行淫、被人睇見。
個行淫嘅男人、就要出銀五十隄喀、俾過童女嘅父親、因佢已經玷辱個童女、要娶佢為妻、一生咁耐、不可出佢。
人唔好娶父親嘅妻、唔好揭開父親嘅被。