你既入耶和華你嘅神所賜過你做產業嘅地方、承受嚟居住。
個陣、你要從耶和華你嘅神所賜過你嘅地上、將起首成熟嘅土產、載落籮、擰去到耶和華你嘅神所揀擇安置佢名個處。
又去見當時做祭司嘅、對佢話、我今日明告耶和華你嘅神、我已經到耶和華向我哋列祖發誓應許賜過我嘅地方。
祭司要從你手擰個籮、夜在耶和華你嘅神壇前。
你要在耶和華你嘅神面前話、我祖公係一個流離失所嘅亞蘭人、落埃及寄居、人數甚少、在個處、成為一國、好大強壯、及人多。
埃及人強逼我哋、刻薄我哋、又令我哋做勞苦嘅工夫。
我哋禱告列祖嘅神耶和華、耶和華聽聞我哋嘅聲、顧念所受嘅艱難、窘迫、暴虐、
耶和華就伸出大能嘅手、而且用大威、異蹟、奇事、帶我哋出埃及。
又帶我哋到呢處、將此地賜過我、即係流乳共蜜糖嘅地。
睇吖、耶和華吖、你所賜過我嘅初成熟嘅土產、我如今帶嚟咯、噉就你要放在耶和華你嘅神面前、又在耶和華你嘅神面前崇拜。
因耶和華你嘅神所賜過你及你家眷嘅、咁多好處、你共利未人、及你哋之中嘅旅客、都要歡喜快樂。
每逢到第三年、即係十份取一嘅年、將凡所生嘅土產十份納一之後、就要俾過利未人、及旅客、孤兒、寡婦、等佢哋在你城裏食又得飽。
又要在耶和華你嘅神面前講話、我擰聖物出嘵我屋、又俾過利未人、及旅客、孤兒、寡婦、遵依你吩咐我嘅誡命、唔肯逆你嘅吩咐、亦唔忘記。
居喪個時冇食到聖物、亦冇擰嚟做不潔嘅使用、亦冇為死人𢬿嚟做費用、我聽從耶和華我嘅神所講、你凡所吩咐我嘅、我照樣行。
求神從天上嘅聖所、睇顧你百姓以色列、及你所賜過我嘅地方、照你向列祖發誓、係流乳共蜜糖嘅地。
今日耶和華你嘅神吩咐你行呢的規條法度、故此你要盡心盡性嚟行。
你今日既係明講耶和華你嘅神、又遵行佢嘅道、謹守佢嘅例條、誡命、法度、聽佢吩咐。
耶和華今日亦明講認你係佢嘅子民、照佢所應承你嘅、等你謹慎守嘥佢誡命。
又等你得榮光、名聲、尊貴、高出佢所立嘅萬國之上、又照佢所講過嘅、使你在耶和華你嘅神面前、做聖潔嘅百姓。