我哋轉行上巴山嘅路、巴山王噩共佢嘅百姓、出嚟攻打我哋、在以得來交戰。
耶和華吩咐我話、唔使怕佢、因為我將佢共佢嘅百姓、佢嘅地、都交過你手、你必看待佢、好似看待住希實本嘅亞摩哩王西宏噉。
噉就耶和華我哋嘅神、將巴山王噩及佢嘅百姓、交過我手、我攻打佢哋、等到一個都冇留存。
個陣時、我哋搶奪嘥佢嘅城邑、冇一個唔奪得到、共計六十座、即係亞咯全地、在巴山地噩王嘅國。
呢的各城、亦有高大嘅牆垣圍住、有門有關、又奪嘵冇牆垣嘅鄉村好多。
我哋滅嘥佢哋、即係滅嘥各城、共所有嘅男女、及細伩仔、好似滅絕希實王西宏一樣。
惟係畜牲及所搶奪各城嘅物件、留存我哋自己用。
個時、我又從亞摩哩人嘅兩個王手上、奪嘵約但外嘅地、由亞嫩谷至到黑門山。
呢個黑門山、西頓人稱佢為西連、亞摩哩人稱佢為示溺。
凡在曠野嘅城、基列全地、巴山全地、至到撤迦及以得來、係巴山嘅城、噩王國內所有嘅、我哋都得嘥。
奇偉人所留存嘅、獨係剩下巴山王噩佢嘅床係鐵整嘅、唔係落在亞捫人嘅喇巴城咩、個張床、長九尺、闊四尺、照人嘅手臂為度。
個時、我哋所得嘅地、從亞嫩谷邊嘅亞囉耳起、我將基列山地一半、及其中嘅城、俾過流便人、共迦得人。
其餘嘅基列地、共巴山全地、噩王嘅國、俾過馬拿西嘅半支派、亞咯四邊嘅地、及全巴山、從前所稱為奇偉人地、我都俾嘥過佢。
馬拿西嘅仔睚耳、得亞咯全地、至到其述人、馬迦人嘅境界、就照佢自己嘅名、稱為巴山睚耳村、直到今日。
我又將基列地俾過馬吉。
我將地俾過流便人、迦得人、從基列至亞嫩谷、谷中嘅路為界、直到亞捫人交界嘅雅泊河。
又將曠野共約但河邊、從基尼烈至到曠野嘅海、即係鹽海、及比士迦山腳東便地、都俾過佢哋。
個時、我吩咐你哋話、耶和華你哋嘅神、已經將此地賜過你哋做產業、你哋凡能打仗嘅、要揸兵器、在你哋兄弟以色列人之前行去。
我知到你哋嘅畜牲眾多、你嘅妻子及畜牲、可以住在我所賜過你哋嘅城裏。
等到耶和華賜你哋兄弟平安、好似已經賜過你哋一樣、而且佢哋亦蒙耶和華你嘅神、將約但外嘅地賜過佢、然後你哋各人、可以番到我所賜過你做產業嘅地。
個時、我吩咐約書亞話、耶和華你嘅神、向呢兩個王所行嘅事、你哋親眼睇見、耶和華亦必向你所去嘅國噉樣行。
你哋唔使畏懼、因為耶和華你嘅神、必為你哋攻打仇敵。
個時、我求耶和華話。
主耶和華呀、你已經顯出你嘅大威、及你手嘅大能、俾你睇見、在天上、在地下、有邊個神能行你所行嘅、學番你咁大能咩。
求你准我去睇吓約但河個邊嘅美地、及美山、共利巴嫩山。
耶和華因你哋就惱怒我、唔允准我、耶和華對我話、噉就罷咯、唔好再𢬿呢件事嚟求我。
你上比士迦山頂、舉眼向東南西北、睇個的地、因為你斷不能過此約但河呀。
你要吩咐約書亞、使佢強壯、堅固佢心、因佢必在百姓面前過河、等眾人承受你所將見嘅地方。
於是我哋住在伯比對面嘅山谷。