呢的事、即係我在你面前所陳明嘅咒詛、已經臨到你身上、你在耶和華你嘅神所趕逐你去到嘅國、心裏記念此事。
你共你嘅子孫、若係盡心盡性遵行呢的說話、照我今日所吩咐你嘅。
耶和華你嘅神、就必將你哋被搶掠嘅人、帶回本國、必憐憫你、又從使你散開居住嘅列國、將你哋聚回。
你哋若被趕逐散開、到天之極地、耶和華你嘅神、必從個處聚回收回。
耶和華你嘅神、又必帶你入你列祖所承受嘅地、你可以得倒、必好看待、使你哋人丁多過列祖。
耶和華你嘅神、必向你嘅心、及你後裔個心、行割禮、攸你盡心盡意、敬愛耶和華你嘅神、令你得生。
耶和華你嘅神、亦必將呢的各樣咒詛、加在你嘅仇敵、及怨恨你、窘迫你各人嘅身上。
你必要番去、聽從耶和華嘅說話、照我今日所吩咐嚟遵行佢嘅各條誡命。
耶和華你嘅神就必向你手所做各事豐足、令你懷胎所生嘅、地土所產嘅、荗盛繁多、因為耶和華必再歡喜你、令你得福、好似從前歡喜你列祖噉。
你若聽從耶和華蹏說話、謹守呢的律法書所載嘅誡命條例、又盡心盡性歸順耶和華你嘅神、就必有噉樣。
我今日所吩咐你嘅誡命、唔係難做嘅、亦唔係離你好遠。
唔係在天上、使你話乜誰為我哋、升天上擰落嚟我處、等我可以聽聞嚟行。
亦唔係在海外、使你話乜誰為我過海擰番嚟我處、等我可以聽聞嚟行。
但個道係近住你、喺你口、喺你心、使你可以遵行。
睇吖、我今日將生共福、死共禍、在你面前講明。
即係我今日吩咐你受耶和華你嘅神、遵行佢嘅道、謹守佢嘅誡命、條例、法度、等你可以得生活、而且眾多、耶和華你嘅神、必在你所去承受嘅地嚟祝福你。
你若心裏反覆、唔肯聽從、又受誘惑、去敬拜服事別神。
我今日就明白話你知、你必要死亡、在你過約但河所去承受嘅地、必不能加增日子。
我今日喓天地嚟向你證明、我將死亡咒詛、在你面前講明、所以要揀擇生命、等你共你哋後裔、都得保全。
敬愛耶和華你嘅神、聽從佢話、又戀慕佢、因為耶和華係你嘅生命、使你長命嘅、等你可以在耶和華向你列祖亞伯拉罕以撒雅各發誓賜過佢嘅地上居住。