摩西𢬿呢的說話、去講過以色列眾人知。
對佢哋話、我現時有一百二十歲咯、不可再出入、耶和華也曾吩咐我話、你必唔得過此約但河。
耶和華你嘅神、必帶你哋過河、在你面前、將列國嗚絕、你就承受佢嘅地、約書亞必帶你先頭過去、照耶和華所講嘅。
耶和華必剿滅佢哋、好似也曾剿滅亞摩哩嘅二王、西宏共噩及佢嘅國噉。
耶和華必在你面前、將佢哋交過你、使你照我所吩咐你嘅誡命嚟待佢哋。
你要堅強剛毅、唔好驚慌、唔好畏懼、因為耶和華你嘅神、同埋你、必唔離開你、唔丟棄你。
摩西在以色列眾人面前、召約書亞、就對佢話、你要堅強剛毅、因你要同埋呢的百姓、入去耶和華向佢列祖發誓賜過佢嘅地、你亦必令佢承受做基業。
耶和華必帶你去、必同埋你、唔離開你、唔丟棄你、你唔使驚慌懼怕。
摩西將律法寫在書上、交過擡約櫃做祭司嘅利未人、及以色列眾長老。
摩西吩咐佢哋話、每逢七年尾、在結茅節解釋年之時。
以色列眾人、在神所揀擇個處、朝見耶和華、個時你要在以色列人面前、讀呢的律法、使佢哋聽聞。
你要叫百姓嘅男女老少、及住在你城內嘅旅客、都嚟聚集、使佢哋聽、使佢哋學效、敬畏耶和華你嘅神、謹守遵事呢的律法嘅說話。
亦使佢哋未曾知識嘅仔女、聽聞、學效、敬畏耶和華你嘅神、就長久住在個處地方、即係過約但嚟承受嘅。
耶和華又對摩西話、睇吖、你死嘅日期近咯、召約書亞嚟、同企在會幕中、我要吩咐佢、於是摩西共約書亞去、同企在會幕中。
耶和華在會幕中、從雲柱顯現、雲柱止在會幕門嘅上頭。
耶和華對摩西話、睇吖、你要同埋你列祖瞓著嘅、呢的百姓、必興起、服從別神、即係佢去住在個處嘅異邦人嘅神、又丟棄違背我共你哋所立嘅約。
當個時、我必向佢哋大發怒、丟棄佢哋。掩我面、唔睇佢哋、使佢哋被吞食、遇著好多禍患灾難、等到個日、佢哋必話、呢的禍患、臨近我哋、豈唔係因我神唔住在我哋之中咩。
我在個日、必揞住我面、因佢哋所行嘅惡事、反覆順從別神。
所以你哋如今當為自己寫落呢章歌、嚟教以色列人、使佢哋口中念誦、令呢的歌為我在以色列人做見證。
因為我將帶佢哋入我各佢列祖所發誓應許嘅地、即係流乳共蜜糖嘅、佢哋得食到飽、身體肥壯、就必反覆順從別神、嚟服事、干犯我嘅怒、違背我嘅約。
佢哋遇著好多禍患灾難、個時、呢的歌可在佢哋面前做見證、佢哋嘅後裔、口中必念誦唔忘記、因為我知到佢心內記念、即係如今我未曾帶佢哋入我所發誓應許嘅地之時、所發出嘅。
個日、摩西就寫落呢章歌、嚟教以色列人。
又吩咐嫩嘅仔約書亞話、你要堅強剛毅、因為你必帶以色列人入我向佢哋發誓嘅地、我亦同埋你喺處。
摩西將呢的律法嘅說話、寫嘥落書上、已經寫完。
就吩咐擡耶和華約櫃嘅利未人話。
將呢的律法嘅書、擠落耶和華你嘅神約櫃側邊、等可以在個處向你哋做見證。
你哋點樣背逆、點樣硬頸、我都知到、睇吖、我今日仍然生活、同埋你、你哋尚且背逆耶和華、何況我死後咩。
你要叫嘥你哋支派嘅長老官長到我處聚埋、等我將呢的說話對佢哋講、使佢耳得聽聞、又喓天地對佢哋做見證。
因為我知到我死後、你哋必作弊端、反覆離開我吩咐你所行嘅道、在耶和華眼前行惡、所做嘅事、干犯神怒、到末日、禍患必臨近你哋。
摩西就將呢章歌講嘥過以色列嘅會眾聽。