願天垂聽呀、我就噲講咯、願地聽我口中嘅說話。
我嘅教訓好似雨降落、我嘅說話好似露滴落、好似細雨落在幼草之上、好似大雨落在菜蔬之中。
我要傳揚耶和華嘅名、你哋要將威嚴大權歸於我哋嘅神。
做磐石個位、佢工作係完全、凡佢所行、係公義嘅道路、佢係真實嘅神、總冇罪過、又係公義端正。
眾人自作弊端、唔算係神嘅仔女、係忤逆縱橫嘅世代。
愚昧無知嘅百姓呀、你哋噉樣報答耶和華咩、佢唔係佢嘅父買你嘅咩、創造你、建立你、係佢咯。
你當充記念上古之日、查考歷代之年、問你父親、佢必話過你知、問你長老、佢必對你講明。
至上者分別人嘅眾子、將列國產業賜過佢哋、照以色列人嘅數目、就立列民嘅地界。
耶和華嘅民、做佢嘅產業、雅各係佢有份嘅基業。
神遇著佢在曠野中、在野獸吠叫嘅地、神從四圍保護佢哋、嚟施教訓、又保全佢、好似保全眼精。
好似麻鷹攪起佢(木鬥)在鷹仔上、飛去飛來、展開兩翼、將鷹仔孭在翼上。
耶和華獨自帶佢、冇別神同埋佢。
神使佢升上地嘅高處、食田間嘅土逕、使佢從石上啜蜜糖、又從火石嘅磐啜油。
牛乳嘅油、羊嘅奶、羊仔嘅膏、巴山所出嘅綿羊公、共山羊、及至好嘅細麥麵、又得飲菩提汁所整嘅酒。
耶書崙已成肥壯、跑踢、你已成肥壯、粗大滑肉、佢就丟棄做佢嘅神、睇輕救佢嘅磐石。
呢的百姓拜別神、激起神嘅妬忌、行可憎嘅事、激起神嘅惱怒。
佢哋祭拜魔鬼、唔算係神、及不識嘅卸、新出嘅神、即係你哋列祖未曾驚畏。
你唔思念生你嘅磐石、忘記做你嘅神。
耶和華一見就憎惡、因佢嘅仔女激惱神。
就話我要向佢哋處揞我面、睇佢哋點樣結局、因佢哋係背逆嘅世類、無忠信嘅仔女呀。
佢哋拜別神、激起我妬忌、又拜盧假嘅物、干犯我惱怒、所以我使非國嘅百姓、激起佢妬忌、愚蠢嘅國、干犯佢惱怒。
因我惱怒、就發起大火、直燒到陰府至深個處、又必燒地共地上所生嘅、又發火燒山腳。
我必將災禍埋在佢身上、射我嘅箭、攻擊佢哋。
佢哋必因饑餓、就瘦弱、被極熱吞佢、又受瘟疫、亦使佢哋遇著野獸、牙齒損害、旱蛇毒氣吞滅。
外遇刀兵、內受驚慌、令少男共童女、飲奶嘅嬰兒、共白髮嘅老人、都噲滅亡。
我話要將佢哋散開遠處、想在世人中除滅佢嘅名。
但恐怕仇敵發怒、唔肯認呢的事、恐怕佢話、係我自己手力高強、唔係耶和華行呢的事。
因佢哋冇智慧、亦冇見識。
願佢有智慧、願佢知到此事、思念佢嘅結局。
若唔係佢哋嘅磐石賣嘵佢哋、若唔係耶和華交出佢哋、豈唔係一人能趕逐千人、二人能打敗萬人咩。
佢哋嘅磐石、唔似得我嘅磐石、照仇敵自己判斷、都係噉。
佢哋嘅菩提樹、係所多馬嘅菩提樹、由蛾摩拉菩提園所生、個的菩提子甚毒、枝上成球甚苦。
佢哋嘅酒、係龍嘅毒沫、又係惡蛇嘅毒氣。
呢的唔係藏在我心咩、好似封鎖在寶物之中。
報仇報應、係在我、到佢哋跌親之時、因佢哋受禍嘅日期已近、個的必臨到佢嘅事、急速嚟到。
耶和華見佢哋嘅能力冇嘵、困住嘅、或自主嘅、都冇留存、就必為百姓審判、因佢嘅僕就悔恨。
話佢所拜嘅神、及所倚賴嘅磐石、喺邊處呢。
既食祭佢嘅膏油、飲奠過佢嘅酒、就應當興起幫助護衛你哋。
你哋如今睇吓我呀、我即係佢、我之外冇別神、我能殺戮、我能存活、我能傷損、我能醫好、斷冇人能殺脫我手。
我舉起手指住天話、我係永生。
我若磨利我刀、我手若揸權審判、必報復我嘅仇敵、又報應凡怨恨我嘅人。
我必使我箭飲血飲到醉、我刀必得肉吞食、即係殺被捉嘅人之血、仇敵牧長嘅頭之肉。
列國呀、都要共佢嘅百姓歡喜快樂、佢必為殺嘅僕人報仇、嚟報應個的仇敵、又必為自己嘅地、自己嘅百姓贖罪。
摩西共嫩嘅仔約書亞唱呢章歌、令百姓聽聞。
摩西向以色列眾人唱完呢章歌。
就對佢哋話、你哋當要小心謹守、我今日對你講嘅說話、又要吩咐你哋嘅子孫、都遵行、即係呢的律法嘅說話。
因為呢的事唔係向你哋算虛假嘅、實係你哋嘅生命、又由此過約但承受所得之地、加增日子。
當個日、耶和華對摩西話。
你要上呢個亞巴林山、去到尼破山、即係在耶利哥對面嘅摩押地方、睇我要賜過以色列人做產業嘅迦南地。
就在你所上嘅山噲死、歸番本族、好似你大佬亞倫、死在何耳山、歸番本族噉。
因你在以色列人中、從米利巴迦鐵嘅水、從汛嘅曠野、得罪我、又唔在以色列人中、尊我為聖。
我所賜過以色列人嘅地、係在面前可觀望、惟係唔入得去。