屬神嘅人摩西、未死之前、向以色列人祝福、所講係噉。
佢話耶和華從西乃山嚟、在西耳山向眾人顯現、從巴蘭山發出光輝、從一萬數之聖者嚟到、由右手發出猛火、做百姓嘅律法。
佢憐愛眾百姓、眾聖者、歸你手下、都坐在你腳下、必聽聞你嘅說話。
摩西將律法吩咐我哋、即係俾雅各會眾做產業。
百姓嘅牧長、以色列眾支派、聚集個時、佢在耶書崙做君王。
願流便生活唔死亡、惟願佢人數唔加多。
祝福猶大就話、耶和華呀、願你聽猶大所求、帶佢番去本民、使佢手為自己爭戰、又話幫助佢抵擋仇敵。
論及利未話、你嘅土明及你嘅烏陵係同你嘅聖潔者有份、即係你在馬撒也曾試驗佢、又在米哩巴水、共佢爭論嘅、
佢講及父母、話、我未曾睇見、佢亦唔認識兄弟、唔睇顧仔女、因佢哋已經聽從你嘅誡命、謹守你嘅約。
佢哋必將你嘅法度、教訓雅各、將你嘅律例、教訓以色列、佢哋在你面前焚香、及在你壇上獻燔祭。
耶和華呀、願你祝福佢嘅產業、悅納佢手所做嘅事、有興起嚟攻擊佢嘅、怨恨佢嘅、就打折佢仇敵嘅腰、等佢不能再興起。
論及便雅憫話、耶和華所愛嘅必共佢安然同住、耶和華必成日庇佑佢、必住在佢嘅膊肩。
論及約瑟話、願佢嘅地土、受耶和華祝福、得天上嘅寶物共甘露、及藏在地下嘅水。
得熱頭所曬成嘅美果、月光所養成嘅寶物。
老山嘅美物、古嶽嘅異寶。
地上嘅寶貝、共滿地嘅美物、及居荊棘中嘅神所賜嘅恩、願呢的福、都歸於約瑟嘅頭、即係遠離兄弟嘅人之頂上。
佢榮耀好似第一胎嘅牛仔、佢角好似野牛嘅角、用呢的嚟抵觸百姓、至到地極、此係以法蓮嘅萬萬、馬拿西嘅千千。
論及西布倫話、西布倫呀、你出外可以歡喜、以薩迦呀、你在帳幕內可以快樂。
佢哋將召百姓上山、在個處獻公義嘅祭物、佢哋必食海中嘅豐厚、及沙裏所藏嘅珍饈。
論及迦得話、使迦得闊大嘅、有福咯、佢𡂈處好似母獅、撕爛臂共頭頂。
佢為自己預備先得嘅份、因設立律法嘅為佢留存產業、佢同百姓嘅牧長嚟到、遵行耶和華嘅公義、亦遵行律例、嚟待以色列人。
論及但話、但係獅仔、佢必從巴山跳過嚟。
論及納大利話、納大利呀、得恩既足、充滿耶和華嘅祝福、你必得西方南方做產業。
論及亞設話、亞設呀必得仔女、享受祝福、被佢兄弟歡喜、又可以將腳浸落油中。
你嘅鞋、將必你鐵嘅、係銅嘅、你一世咁耐、都強壯有力。
耶書崙呀、冇別個似得神、佢升在天上嚟救護你、乘在雲中顯出佢嘅榮耀。
永生嘅神、做你嘅住所、永遠嘅臂、在你之下、佢在你面前、趕逐仇敵、吩咐話、滅絕咯。
以色列人平安居住、獨係雅各井留存、在有酒共穀嘅地方、天上亦降甘露。
以色列人呀、你有福咯、乜誰似得你做耶和華所救嘅百姓呢、佢做幫助你嘅藤牌、做你得榮耀嘅刀劍、你仇敵必順服你、你必上佢哋嘅高山。