呢的係耶和華你哋嘅神所吩咐、教訓你哋嘅誡命、規條、法度、等可以在你哋所承受嘅地嚟遵行。
等你哋及你哋子孫、一生一世、敬畏耶和華你嘅神、謹守佢嘅規條誡命、即係我所吩咐你嘅、令你嘅日子加增。
以色列人你要聽呀、要謹守遵行、等你在流乳共蜜糖嘅地方、得福、人口越發生多、好似你列祖嘅神耶和華、也曾應承你嘅。
以色列人聽呀、耶和華我哋嘅神獨係一之主。
你哋應當盡心盡性盡力愛耶和華你嘅神。
我今日所吩咐你呢的說話、你要留存在你心中。
亦要勤力教你嘅仔女、或坐屋內、或在路上行、或瞓覺、或起身之時、
都係又要(糸帮)在手上做記號、寫在眼前做印誌。
又要寫在你屋嘅門枋及門處。
等到耶和華你哋嘅神、帶嘵你哋入佢向你列祖亞伯拉罕以撒雅各所發誓嘅地方、即係賜過你哋嘅闊大美城、唔係你哋所起嘅。
充滿美物嘅屋、唔係你哋所充滿嘅、鑿成嘅井、唔係你哋所鑿嘅、菩提園、橄欖樹、唔係你哋所種嘅、就得食飽。
個時、應當謹慎、唔好忘記帶你哋出埃及地即係做奴僕嘅屋個位耶和華。
你哋要敬畏耶和華你嘅神嚟服事佢、又指住佢嘅名發誓。
唔好順從別神、即係隣國所拜嘅偶像。
恐怕耶和華你嘅神惱怒嚟攻擊你、在地上絕滅你、因為耶和華你嘅神、在你哋之中、係不容人有別個神。
唔好試耶和華你嘅神、好似你哋在馬撒也曾試過嘅。
要謹守耶和華你神嘅誡命、及佢所吩咐嘅律法規條。
你哋都要遵行、耶和華所喜悅嘅善義、等你哋得福、可以入去承受耶和華所發誓賜過你列祖嘅地方。
在你哋面前、趕逐你嘅仇敵、照依耶和華也曾講過嘅。
日後、你嘅仔問你話、耶和華我哋神所吩咐嘅律法規條法度、係乜意思呢。
你要答你嘅他話我哋從前在埃及做法老嘅奴僕、耶和華用大能嘅手、帶我哋出埃及。
神當我哋眼前、將廣大威嚴嘅異跡奇事、降罰埃及、共法老、及佢嘅族眾。
又帶我哋出嘵個處、等可以帶我哋入去所發誓應承我列祖嘅地、就𢬿嚟賜過我哋。
耶和華吩咐我哋遵守呢的律法、敬畏神、就可以一生一世得福、又令我哋生活留存、好似今日。
我哋若係遵依佢所吩咐嘅、在耶和華我神嘅面前、緊守呢的誡命、我哋就必因噉樣得稱為義咯。