1
我今日吩咐你嘅誡命、你要謹守遵行、等你哋生活、人數加多、得入去承受耶和華所發誓應承賜過你列祖嘅地方。
2
你要記念耶和華你嘅神、四十年之間、在曠野所帶你行嘅路、等使你自卑、又試驗你、想知到你心裏點樣、肯守佢誡命唔肯。
3
神也曾使你自卑、使你肚餓、將嗎嗱嚟養你、係你共你嘅列祖、都未曾識嘅、令你知到人不獨倚賴餅嚟生、係倚賴耶和華口凡所出嘅說話嚟生。
4
呢四十年之間、你嘅衣服唔爛、你嘅腳唔腫。
5
你要心中記念耶和華責成你、好似一個人責成佢仔一樣。
6
而且你要謹守耶和華你神嘅誡命、遵行佢嘅道、又敬畏佢。
7
因耶和華你嘅神、所帶你去到嘅美地、有溪水、有源泉、有深淵、在山谷流落嘅。
8
土產有小麥、大麥、菩提、無花果、石榴、又有橄欖油、蜜糖。
9
你在個處食餅有限、各樣亦必有無所欠缺、此地嘅石頭、即係鐵、你在山上、可以掘銅。
10
你必食到飽、亦為所賜你嘅美地、讚美耶和華你嘅神。
11
你要謹慎、恐怕忘記耶和華你嘅神、唔守佢嘅誡命規條法度、即係我今日所吩咐你嘅。
12
又恐怕你食飽之後、起華美嘅屋嚟居住。
13
你嘅牛羊生多、金銀加增、凡你所有嘅都豐足。
14
個時、你心噲驕傲忘記耶和華你嘅神、也曾帶你出奴僕嘅屋、即係埃及地。
15
帶你哋行過大而且可怕嘅曠野、其中有火蛇、毒蛇、旱地冇水、又為你使水從火石中流出。
16
又在曠野、將你列祖唔識嘅嗎嗱餅養你、等攸使你自卑、又試煉你、想你收尾得福。
17
又恐怕你心中話、我自己嘅力量權能、令我得呢的大產業。
18
但你要記念耶和華你嘅神、因為賜你得大產業嘅能力、係神、等佢可以成就你向你列祖發誓所立嘅約、好似好今。
19
我今日嚴令禁戒你、將來你若忘記耶和華你嘅神、歸從別神、服事佢、敬拜佢、你必要滅亡。
20
耶和華在你哋面前所滅嘅列國、你哋必要噉樣滅亡、因你哋唔肯聽從耶和華你神嘅說話呀。