以色列人聽呀、今日你要過約但河、得倒強大過你嘅列國、又得倒闊大嘅城、牆高到天。
個處嘅百姓高大、係亞納嘅子孫、你也曾識佢哋、又聽聞人話、乜誰可以企在亞納子孫嘅面前。
你今日要知耶和華你嘅神、好似盔火、在你先去、喺你面前、滅絕佢哋、等你趕逐急速剿滅佢哋、照依耶和華所示諭你嘅。
耶和華你嘅神、已經在你面前、趕逐佢哋、你心中唔好話、耶和華因我嘅善義、就帶我入嚟承受呢的地、係因呢的列國利惡、就耶和華趕逐佢哋離開你面前。
你入去承受佢哋嘅地、唔係因你嘅善義、唔係因你心裏正直、係因呢的國行惡、耶和華你嘅神就趕逐佢哋離開你面前、等可以應驗佢向你列祖亞伯拉罕、以撒、雅各、所發誓嘅說話。
你要知到耶和華你嘅神、唔係因你嘅善義、𢬿呢的美地賜過你、你哋本來係硬頸嘅百姓呀。
你要記念、唔好忘記你在曠野激起耶和華神嘅惱怒、自從離開埃及地、至到嚟呢處嘅時候、一留背逆耶和華。
你哋在何烈山、亦激起耶和華嘅惱怒、致令耶和華惱怒爭的滅絕你哋。
我就上山受石碑、即係耶和華共你所立之約嘅石碑、我在山上住嘵四十日夜、唔食餅、唔飲水。
耶和華將兩塊石碑交過我、係神嘅手所寫嘅、碑上所載、即係耶和華當會眾聚集個時、在山上從火中吩咐你哋嘅說話。
已經過嘵四十日夜、耶和華將呢兩塊石碑、即係立約嘅碑交過我。
耶和華對我話、起身、急速由呢處落去、因你所帶出埃及嘅百姓、已經作弊端、快速離開我所吩咐佢哋嘅道、為自己鑄一個偶像。
耶和華又對我話、睇吖、我見呢的百姓、實係硬頸嘅。
你由得我、等我滅絕佢哋、在天下除去佢哋嘅名、又使你為成大國、強大過佢哋。
噉就我轉身、從山上落嚟、有火燒山、我雙手捧住兩塊立約嘅石碑。
我睇吓見你哋得罪耶和華你嘅神、為自己鑄一隻牛仔、已經快速離開耶和華所吩咐你嘅道。
我就將兩塊石碑從我手中𢫕落去、在你哋眼前破爛。
我又好似從前𡂈在耶和華面前四十日夜、唔食餅、唔飲水、因你哋所犯嘅罪、即係在耶和華面前行惡激惱佢。
我怕耶和華嘅惱怒、即係惱你哋嘅忿怒、想將你哋滅絕、但個時耶和華亦聽我所求。
耶和華亦好惱亞倫、想滅絕佢、個時我又為亞倫祈禱。
我將你哋犯罪嘅物、即係所鑄嘅牛仔、用火焚燒、又舂碎、磨成末、好似塵咁幼、將個的塵撒落從山上流下嘅水中。
你哋亦在大比喇、在馬撒、在乞力夏大法、激起耶和華嘅惱怒。
耶和華打發你哋、離開迦鐵巴尼亞、個時、有話你哋去承受我所賜過你嘅地土、但你背逆耶和華嘅命令、唔信從佢、唔聽佢話。
自從我識你哋、至到如今、你哋常時背逆耶和華。
因為耶和華要滅絕你哋、所以我𡂈在耶和華面前、伏倒處、四十日夜。
我求耶和華話、耶和華神呀、唔好滅絕你嘅百姓、及你嘅子民、即係用威權救贖、用中能嘅手嚟帶出埃及嘅。
求主記念你嘅僕亞伯拉罕、以撒、雅各、唔好鑒察呢的百姓嘅硬心、惡念、罪愆。
恐怕你帶我哋所出嘅地方的人話、耶和華冇能帶佢哋入所應許嘅地、又怨恨就帶佢哋出去、想喺曠野處殺戮。
但佢哋實係你嘅百姓、你嘅子民、即係你用大能舉手所帶出嚟嘅。