1
以色列眾子、各人帶家眷、同埋雅各到埃及嘅、個的名列明在後。
2
即係流便、西面、利末、猶大。
3
以薩迦、西布倫、便雅憫。
4
但、納大利、伽得、亞設。
5
凡由雅各所生嘅、共有七十人、約瑟已經喺埃及。
6
約瑟共眾兄弟、與友個代嘅人、俱死嘵。
7
以色列子孫來生養、人數加多、又大強盛、充滿個處地方。
8
當時埃及有新王登位、唔記念約瑟。
9
對佢嘅百姓話、睇吖、以色列嘅子孫、強盛過我哋。
10
我哋要用巧計多待佢、免致佢哋越發生多、日後或有爭戰、佢哋跟從我嘅仇敵嚟攻打我哋、而且離開此地去嘵。
11
故此設立督工嘅人、管轄佢哋、勉強佢擔擡、為法老建比東、蘭塞、兩個城、嚟做庫房。
12
但越發難為、佢哋越發生養多、噉就埃及人為以色列人好憂愁咯。
13
埃及人嚴束以色列人做苦工。
14
逼佢哋好勞苦搓泥、整磚、及做田中各樣工夫、等佢哋辛苦度日、所有使佢做嘅工夫、冇樣唔嚴令嘅。
15
有做希伯來嘅接生婆、一個名叫十拉、一個名叫部亞、埃及王對佢哋話。
16
你為希伯來婦人接生、臨產之時、見係仔、就殺死佢、見係女、就留存佢。
17
惟接生婆畏懼神、唔遵依埃及王所吩咐嘅、仍然留存個的男仔嘅性命。
18
埃及王召個的接生婆嚟、對佢哋話、你為乜噉做、留存男仔嘅性命呢。
19
接生婆對法老話、因為希伯來婦人唔同埃及婦人、佢係壯健、接生婆未曾到、佢已經生產咯。
20
所以神施恩典過接生婆、以色列百姓就越發強盛。
21
因接生婆畏懼神、故此神令佢哋成立家族。
22
法老就吩咐眾百姓話、凡所生嘅男仔、你必要𢫕落河、單獨女仔、你可以留存佢性命呀。