耶和華對摩西話、你要去見法老、因我已經令佢共佢臣僕心中剛硬、等我喺其中行各樣奇事。
令你𢬿我在埃及所行嘅事、與及我喺其中所行嘅奇事、傳過你嘅仔共孫、耳得聽聞、等佢哋知我係耶和華。
摩西亞倫去見法老、對佢話、希伯來人嘅神耶和華係噉話、你喺我面前唔肯自卑到幾時呢、要放我百姓去、等佢哋服事我。
你若唔肯放我百姓去、明日、我使蝗蟲入你境地。
必要遮蓋地面至到唔睇見地、都食嘥礡打之後所剩嘅物、與及田間所生嘅樹木。
蝗蟲必飛滿你宮中、及你臣僕嘅屋、埃及眾百姓嘅屋、自從你父親祖宗在世以來、未曾見過噉樣嘅、摩西退後離別法老出去。
法老嘅臣僕對法老話、此人累我哋嘅要到幾時呢、請你放佢哋去、服事佢嘅神耶和華、埃及國已經哀敗咯、你重唔知到咩。
又帶摩西亞倫再去見法老、法老對佢哋話、去服事你嘅神耶和華喇、但要去嘅係乜誰呢。
摩西話、我哋嘅老大共年少、仔共女、及牛群共羊群、都要帶去、因為我哋當要守耶和華嘅節筵。
法老對佢哋話、好囉、准你共你少年嘅去咯、願耶和華同埋你、但你要謹慎、禍患喺你眼前咯。
唔做得咯獨係長大嘅人可以去服事耶和華、呢的係你哋所求嘅、噉就佢哋被趕逐、離別法老面前。
耶和華對摩西話、舉起你手向埃及地、使蝗蟲飛入埃及境內、食地上嘅菜蔬、即係凡被雹打之後所剩嘅。
摩西就舉起拐杖向住埃及地、耶和華使東風成日成夜吹向此地、到天光、東風將蝗蟲吹入嚟。
蝗蟲飛滿埃及地、止在埃及四境、好大災害、從前未曾有噉嘅蝗蟲、後來亦必冇噉嘅。
蝗蟲遮蓋地面、地變為黑暗、食嘵地上所有嘅菜蔬、及雹所打剩嘅果子、通埃及嘅樹上共田間、冇的青綠留落。
法老急速召摩西亞倫嚟、話、我得罪你嘅神耶和華、與及你哋。
如今求你赦免我呢一次嘅罪、就求你嘅神耶和華令我免甪呢的死難。
摩西就離別法老出去祈求耶和華。
耶和華轉大西風、將蝗蟲吹入紅海、令埃及四境連一隻蝗蟲都冇留落。
耶和華令法老嘅心硬健、等佢唔肯放以色列人去。
耶和華對摩西話、舉起你手向天、使埃及地黑暗到極、好似摩得嘅。
摩西就舉手向天、通埃及地連三日都黑暗。
三日之內彼此不能見面、坐處嘅、冇人敢起身行開、惟係以色列人屋內、俱有光。
法老召摩西嚟、話、你哋去服事耶和華、少年嘅亦可以同你哋去、惟係牛群羊群要留落處。
摩西話、你必要𢬿犧牲及燔祭嘅物俾過我、等我哋可以祭我嘅神耶和華。
我哋嘅畜牲、亦必同埋去、一隻都不可留落、因為由其唔知要𢬿邊的嚟奉事我神耶和華、但未曾去到個處、重唔知要𢬿乜嘢嚟奉事耶和華呀。
惟係耶和華令法老嘅心硬健、亦唔肯放佢哋去。
法老對摩西話、你離開我去喇、要謹慎、咪再見我面、因再見我面之時、你必要死。
摩西話、你所講係著、我必唔再見你面咯。