節號按資料庫原文正文開首明示的章:節定位；原有章節欄另行保留作來源元資料。正文和標點保留資料庫錄入形態；保留資料庫錄入字詞，唔等於掃描原書每個字形逐字復刻；不作現代化或跨版本補字。
1耶和華對摩西話、我必要再𢬿一樣災難降於法老共埃及人、自後佢必放你哋出去、佢放你之時、必趕嘥你哋出境。
2你如今講過百姓聽、叫男女各人、向佢鄰舍、求取金銀嘅器皿。
3耶和華令百姓喺埃及人面前得恩典、而且個位摩西在埃及喺法老及臣僕百姓嘅眼前、得稱為大。
4摩西話、耶和華噉樣講、話、半夜、我必到埃及巡行。
5凡埃及國嘅長子、由坐王位嘅法老之長子、至到磨後嘅奴婢之長子、與及第一胎嘅畜牲、都必要死。
6通埃及地必有好大喊聲、從前未曾有噉樣、後來亦必冇噉樣嘅。
7但以色列嘅眾人共畜牲、連一隻狗亦唔敢向佢吠、令你知到耶和華將埃及人共以色列人分別開。
8你嘅眾臣僕必要到我面前(口僕)倒處話、求你同埋跟從你嘅百姓出去、然後我致出去、摩西就好惱怒離別法老出去咯。
9耶和華對摩西話、法老必唔聽從你、等我喺埃及人所行嘅奇跡、可以加多。
10摩西亞倫在法老面前、行呢各樣嘅奇跡、惟係耶和華令法老嘅心硬健、唔肯放以色列人出佢嘅境。
出處引用
香港理工大學中文及雙語學系《十九世紀中後期（1865-1894）粵語基督教典籍資料庫》，瀏覽日期2026年10月5日，https://www.polyu.edu.hk/cbs/hkchristdb/ 中文出處
Department of Chinese and Bilingual Studies, The Hong Kong Polytechnic University, Database of the 19th Century (1865-1894) Cantonese Christian Writings, Retrieved 5 October 2026, from https://www.polyu.edu.hk/cbs/hkchristdb/ English citation