耶和華對摩西話。
以色列人之中、唔論人共畜牲、凡係第一胎嘅、都要分別為聖、歸於我、因呢的係屬我嘅。
摩西對百姓話、你要記念此日、即係你哋從埃及出嚟、脫離做奴僕嘅家中、因為耶和華用大能嘅手、帶你由個處出嚟、所以不可食有酵餅。
此日係你哋出嚟嘅日子、在亞筆月內。
昔日耶和華發誓、應承𢬿流乳共蜜糖嘅地賜過你列祖、即係迦南人赫人亞摩哩人希未人耶布士人之地、嚟帶你哋入個處之時、你哋必要當呢個月守此禮。
七日之內、你哋要食無酵餅、到第七日在耶和華面前守節筵。
, 七日之內、必要食無酵餅、喺你處、不可見有酵之餅、在你四境之內、亦不可見酵種。
個日、要對你嘅仔話、我守此節係因為我出埃及之時、耶和華為我所行嘅事。
當將此事放在你手上為記號、戴在你眉間為記念、等耶和華嘅律法常在你口內、因耶和華用大能嘅手帶你哋出埃及。
每年到期、你必要守此例。
耶和華照依發誓所應承你及你列祖、就帶你入迦南人嘅地、又𢬿嚟賜過你之時。
你要將第一胎嘅人、及第一胎嘅畜牲、俱獻過耶和華、所有男人共畜公、必歸於耶和華。
凡第一胎嘅驢、必要用羊嚟贖、若有唔贖、就要斬斷佢頸、你哋之中嘅長子、亦要贖番。
日後、你嘅仔或問你話、呢的係乜嘢嘅意思呢、你要對佢話、耶和華用大能嘅手、帶我哋出埃及、脫離做奴僕嘅家中。
法老心硬、唔肯放我哋出去、耶和華就刑罰埃及嘅長子、第一胎嘅人、共第一胎嘅畜牲都殺嘵、因此、我將第一胎嘅畜公祭耶和華、但我嘅長子、就贖番。
, 呢的事要放在你手上做記號、戴在你眉間為記念、因耶和華用大能嘅手、帶我哋出埃及呀。
法老放以色列人出去之時、神唔帶佢哋經過非利士人嘅地、因為個處雖然路近、但恐怕百姓遇著打仗就恨錯、仍然番去埃及。
神於是帶百姓運路行、去紅海嘅曠野、以色列人揸軍器出埃及國。
摩西帶埋約瑟嘅骸骨同去、因約瑟也曾囑咐以色列人又要佢哋發誓、話、神必睇顧你哋、個陣你要帶埋我嘅骸骨上去。
眾人從數割起程、去到近住曠野嘅以籐安營。
耶和華在佢哋先頭行、日間喺路上、用雲柱帶佢哋、夜間用火柱照佢哋、等佢哋日夜可以行。
日間嘅雲柱、夜間嘅火柱、總唔離開百姓之前。