耶和華對摩西話。
你對以色列人講話、佢哋要番轉頭喺比哈希綠前便、海邊蜜奪嘅中間安營、即係對住巴力洗分、近海邊處安營。
因法老必議論以色列人話、佢哋迷失路途、困在曠野咯。
我就令法老心中剛硬、等佢追趕以色列人、我必因法老共佢全軍得榮耀、令埃及人知我係耶和華、眾人就遵依噉樣做。
有人對埃及王話、以色列人逃走、法老及臣僕向個的百姓改變個心、話、做乜我釋放以色列人、令佢哋唔服事我呢。
於是預備馬車、帶埃及人同去。
揀擇好馬車六百乘、同埋埃及所有嘅車、各車俱有兵長帶領。
耶和華令埃及王法老心中剛硬、等佢追趕以色列人、以色列人揚臂就出去。
埃及人即係法老嘅馬共馬車、全軍追趕以色列人、就喺海邊近比哈希綠、巴力洗分、安營舍處、追倒佢哋。
法老已經近個處、以色列人舉眼睇見埃及人追嚟、就好慌、禱告耶和華。
眾人對摩西話、你帶我哋出嚟死在曠野處、豈係因為乜噉樣待我、帶我出埃及呢。
我哋喺埃及個時、豈唔對你話、你咪攪擾我、由得我哋服事埃及人咩、因為服事埃及人、比較死在曠野重好呀。
摩西對百姓話、咪慌、你哋企處等吓、睇耶和華嘅拯救、即係今日要施過你哋、因為今日所見嘅埃及人、後來永唔再見咯。
耶和華必為你哋打仗、你哋可以安靜。
耶和華對摩西話、你為乜禱告我呢、要叫以色列人向前去。
你舉起拐杖、伸手在海上、分開海水、等以色列人喺海中行旱地。
睇吖、我必令埃及人心中剛硬、追趕以色列人、我就因法老共佢嘅全軍、馬車馬兵得榮耀。
我既因法老共佢嘅馬車馬兵得榮耀、埃及人就知我係耶和華。
神之使者即係在以色列軍前行嘅、轉到佢哋後便行、雲柱亦由佢哋前便轉到後便。
雲立在埃及人共以色列人嘅中間、喺個邊就係雲、係黑暗、喺呢邊夜間發光、等彼此成晚都不能相近。
摩西伸手向海面、耶和華令大東風成夜吹、海水退去、個的水分開、海就變為旱地。
以色列人行海中旱地、水在佢哋左右、好似牆壁一樣。
埃及人追趕佢哋、法老所有嘅馬共馬車及馬兵、俱跟住佢哋入海中。
天朦光之時、耶和華喺火柱之中、望吓埃及軍兵、就令佢哋擾亂。
整甪佢嘅車輪、令佢難行、於是埃及人話、我哋要逃避以色列咯、因為耶和華替佢哋攻打埃及人呀。
耶和華對摩西話、你伸手向海面、使海水合番埋、在埃及人及佢馬車馬兵之上。
摩西伸手向海面、到天光、海水再湧起、埃及人向水逃走、耶和華就將埃及人推落海中。
海水轉流、沈嘵馬車馬兵及跟住法老全軍入海嘅、都冇一個留番。
但係以色列人行海中旱地、水在佢哋左右、好似牆壁一樣。
噉樣、當個日、耶和華拯救以色列人脫離埃及人手、以色列人見埃及人嘅屍在海邊。
以色列人見耶和華向埃及人所行嘅大能、就敬畏耶和華、信耶和華共佢僕摩西。