以色列會眾、從以林起程、出埃及後、第二個月十五日、去到汛嘅曠野、即係以林西乃山嘅中間。
以色列會眾、喺曠野怨恨摩西、亞倫。
以色列人對佢哋話、我哋情願喺埃及地、被耶和華殺死、因為從前我哋有肉滿盤、有餅食飽、但你帶我哋到此曠野、令大眾都餓死。
耶和華對摩西話、睇吖、我必從天落餅賜過你哋、百姓可出去、一日執夠一日所食嘅、等試驗佢哋遵我律法唔遵。
到第六日、百姓所執嘅必要預備、多過每日所執嘅一倍。
摩西亞倫對以色列眾人話、晚間你必要知到耶和華帶你哋出埃及地。
朝早、你必睇見耶和華嘅榮耀、因佢已經聽聞你怨恨耶和華咯、我哋係乜誰、知得你怨恨我哋呢。
摩西話、耶和華必定晚間賜肉你食、朝早賜餅你飽、因耶和華已經聽聞你嘅怨言咯、我哋係乜誰吖、你唔係怨我哋、係怨耶和華呮。
摩西對亞倫話、你對以色列會眾話、你哋要到耶和華面前、因佢已經聽聞你嘅怨言咯。
亞倫對以色列眾人講之時、眾人望住曠野、見耶和華嘅榮光、喺雲裏顯現。
耶和華對摩西話。
我已經聽聞以色列人嘅怨言咯、你要對佢哋話、你晚間必有肉食、朝早有餅得飽、你就必知到我係耶和華你嘅神咯。
到挨晚、有鵪鶉飛嚟、遮蓋營盤、朝早、營盤四圍有露水。
所落嘅露升上去之後、曠野地面有細小嘅圓物、好似霜。
以色列人睇見、唔知係乜嘢、彼此相講話、呢的係乜嘢呢、摩西對佢哋話、呢的就係耶和華所賜過你哋食嘅餅。
耶和華所吩咐係噉、照各人嘅食量、與及帳幕裏頭嘅人數、每人要執埋一啊嗎。
以色列人照依噉樣行、有的執多嘅、有的執少嘅。
𢬿啊嗎量過、執多嘅冇餘剩、執少嘅冇欠缺、所執嘅俱照各人嘅食量。
摩西話、一個人不可𢬿嚟留番到明朝。
但佢哋唔聽摩西話、惟有的人𢬿嚟留番到明朝、就生蟲、而臭爛、摩西就惱怒佢。
眾人每朝早去執埋、照各人嘅食量、但熱頭曬、就融化。
到第六日、眾人所執嘅係雙倍、每人兩個啊嗎、眾會長嚟話過摩西知。
摩西對佢哋話、耶和華所講係噉、明日係安息日、即係耶和華嘅聖日、你想燒嘅就燒、煮嘅就煮、剩下嘅自己收埋、留到明朝。
眾人遵依摩西說話、留到明朝、唔臭爛、亦唔生蟲。
摩西話、今日食呢的、因為今日係耶和華嘅安息日、今日你哋在田間冇得執。
六日之內可以執、到第七日、係安息日、就冇咯。
到第七日、百姓之中有的出去執、但冇得執。
耶和華對摩西話、你哋唔肯守我嘅誡命共律法、要到幾時呢。
你哋睇吓、耶和華既𢬿安息日賜過你哋、故此第六日賜你有兩日嘅餅、到第七日各人應該住在自己個處、一個都唔好出去。
噉樣、第七日、百姓就安息。
以色列人稱個的餅做嗎嗱、樣子好似芫荽仁、係白色嘅、味道好似摳蜜糖嘅餅。
摩西話、此事係耶和華吩咐嘅、要載滿一啊嗎、留落後代、等佢哋見我帶你哋出埃及地之時、喺曠野養你哋嘅餅。
摩西對亞倫話、擰一個器皿、載嗎嗱一啊嗎、擠在耶和華面前、留落後代。
亞倫照依耶和華吩咐摩西嘅、將嗎嗱擠在證詞面前留存。
以色列人食嗎嗱共四十年、至到入嘵人所住嘅地方、即係食嗎嗱至到入迦南地嘅境界。
啊嗎係(口以)(口法)嘅十份一。