1
神將呢的各樣說話嚟講話。
2
我係耶和華你嘅神、即係帶你出埃及地、脫離奴僕之家嘅。
3
我之外你不可有別個神。
4
不可為自己雕刻偶像、整各樣嘅形像、照依在天上地下水中所有嘅。
5
你不可跪處拜佢、亦不可服事佢、因為我耶和華你嘅神、係妒忌嘅神、憎惡我嘅、必罰佢嘅罪、與及佢子孫、至到三四代。
6
惟係愛我及守我誡命嘅、就賜恩過佢、至到千代。
7
不可亂稱你神耶和華嘅、耶和華必唔以佢為冇罪。
8
你要記念安息日守做聖日。
9
六日之內、要勞力做各樣工夫。
10
第七日係你神耶和華嘅安息日、個日、你共你嘅仔、女、僕、畜牲、與及屋內嘅旅客、都不可做工夫。
11
因為六日之內、耶和華創造天、地、海、共其中嘅萬物、到第七日就安息、故此耶和華祝福安息日、定為聖日。
12
你要孝敬父母、等可以長久住在你神耶和華賜過你嘅地方。
13
不可殺人。
14
不可姦淫。
15
不可偷嘢。
16
不可妄證你嘅鄰舍。
17
不可貪你鄰舍嘅屋、亦不可貪佢嘅妻、共佢嘅僕、婢、牛、驢、及凡佢所有嘅。
18
眾百姓見行雷、閃電、響角嘅聲、山上嘅煙、見個陣就行開遠遠企立。
19
而且對摩西話、你共我哋講、我哋可以聽、但神唔好共我哋講、恐怕我哋死亡。
20
摩西對百姓話、咪慌、因為神降臨、嚟試驗你哋、又喺你面前顯出威嚴、等你唔犯罪。
21
於是百姓遠遠企立。惟係摩西行近黑暗。到神個處。
22
耶和華對摩西話、你要噉樣對以色列人講話、你哋已經見我從天上共你哋講咯。
23
你哋不可向我為自己整金銀嘅神像。
24
你要為我起一座土壇、喺壇上獻牛羊嘅燔祭、與及酬恩祭、但凡我按住我名嘅地方、我必在個處降臨祝福你。
25
倘若你為我起石壇、不可用鑿過嘅石嚟起、因為用器具整壇、就噲污凂咯。
26
亦不可由階級上我嘅壇、恐怕你露出下體呀。