人若偷牛羊、或劏嘵、或賣嘵、就要𢬿五牛賠一牛、四羊賠一羊。
或有賊開牆寵、人打死佢、唔使為佢流血。
若係熱頭已經出、就要為佢流血、因為賊所偷嘅嘢、要賠番嘥、賊若不能賠、就要賣身賠番所偷嘅。
若所偷嘅物、重喺佢手下生活、唔論牛、羊、驢、都要賠番雙倍。
或係田、或係菩提園、若有人放縱畜牲入去、食嘵所種嘅嘢、個人要𢬿自己至好嘅田產、及佢園中至好嘅果賠番。
若係放火燒荊棘、致令燒壞人嘅穀堆、或未割嘅禾、或田地、放火嘅人就要賠番。
人若𢬿銀兩貨物交托鄰舍看守、從鄰舍家中被偷嘵、或捉倒賊、就要佢賠番雙倍。
若唔捉到賊、就要帶家主到審事官面前、問佢有搶個的財物冇。
但凡失物、唔論牛、羊、驢、衣服、及各樣物件、有人認得係屬自己嘅、兩造要到審事官面前申訴、審事官判定當罰嘅人、就要賠番雙倍。
人若𢬿驢、或牛羊、及各樣畜牲、交托鄰舍看守、畜牲或死或傷、或被人搶、冇別人睇見。
兩人之中個受托嘅必要指住耶和華發誓、話、我未曾搶鄰舍嘅物、失主就要允准、佢唔使賠番。
畜牲若從佢處被偷去、就要賠番過失主。
若係被野獸咬死、就要擰嚟做證、唔使賠番所咬死嘅。
人若共鄰舍借畜牲、或係受傷、或係死、個原主唔同佢喺處、就要賠番。
原主若同佢喺處、就唔使賠番、若係僱嚟、就在工價扣番。
人若引誘未曾受聘嘅童女、共佢同房、就要聘佢做妻。
倘若童女嘅父親、是必唔肯嫁過佢、就要賠番嫁粧銀過佢。
行邪術嘅女人、你咪容佢生活。
凡共畜牲行淫嘅、必要受死。
人若在耶和華之外又拜別神嘅、必將佢滅絕。
做旅客嘅、你唔好刻薄佢、亦唔好攪擾佢、因為你哋在埃及地、也曾做旅客呀。
凡係寡婦孤兒、你唔好刻薄佢。
若係刻薄佢、佢禱告我、我必聽佢禱告。
我嘅惱怒必大、噲用刀劍殺你、令你哋嘅妻做寡婦、仔做孤兒。
我百姓有貧窮嘅共你同居、你若借銀過佢、咪好似放債嘅人、叫佢納利過你。
你若擰鄰舍嘅衣服做當頭、熱頭落之時、就要俾番佢。
因呢的衣服係佢遮身嘅、若係冇、點能瞓呢、我係慈悲嘅、佢禱告我、我必肯聽。
你不可咒罵士師、亦不可咒詛民長。
豐熟嘅穀共酒、你不可遲慢獻過我、你所生嘅長子、亦要獻過我。
你嘅牛、羊、亦要噉樣做。七日跟從佢母、到第八日、要𢬿嚟獻過我。
你哋要做我嘅聖民、田間嘅畜牲、被野獸咬死、個的肉唔好食、要𢫕過狗食。