你不可講開謠言、不可共惡人攜手、做假見證。
不可跟從眾人行惡、你聽訟辭、不可狥庇眾人、寃枉正直。
貧窮嘅人有爭訟、你唔好偏心庇護。
仇敵嘅牛、驢、蕩失、你遇著、要拉番嚟俾佢。
怨恨你嘅人、有驢(貝子)住重物(口僕)處、你睇見、唔好唔理、必要幫助佢解甪重物。
貧窮嘅人爭訟、你不可偏心判斷。
你要離開虛假嘅事、咪殺無辜嘅及義人、因為惡人我必唔稱佢為義。
你唔好受賍、因為賍、噲令明見嘅人變為盲、令義人嘅說話變為私曲。
唔好攪擾旅客、因為你哋也曾喺埃及做旅客、就知到旅客嘅心。
六年之內、你可以耕你嘅田、收割所生嘅。
到第七年要歇息、唔耕唔種、等百姓之中貧窮嘅得食糧、餘剩嘅就俾田獸食、你嘅菩提園、橄欖園、亦要噉樣。
六日之內，你可以做工夫、惟係第七日必要安息、等你嘅牛驢亦可以歇息、而且你婢女嘅仔及旅客、都養吓氣力。
凡我所話嘅言、必要謹守、唔好叫起別神嘅名、亦唔好從你口講出。
每年必要三次為我守節筵。
你要守無酵節筵、照亞筆月內所定嘅日期、七日食無酵餅、遵依我所吩咐你嘅、因為個月你哋出埃及呀、惟喺我面前朝見嘅唔好空手嚟到。
又有收割嘅節筵、乃係你在田耕種、由勞苦得結實嘅、又有收藏嘅節筵、即係近年尾、你在田收藏嘅。
你哋眾男人、每年三次、要朝見耶和華。
我犧牲嘅血、你不可同埋有酵餅嚟獻祭、我犧牲嘅油、不可留到第朝早。
你田間所有初結實嘅、必要帶入嚟耶和華神嘅殿、你不可𢬿羔羊母嘅奶嚟煮羔羊。
你打發使者在你之前、喺路上保護你、帶你到我所預備嘅地方。
佢係奉我名嚟嘅、你喺佢面前要謹慎、聽佢說話、唔好背逆佢、因佢必唔赦免你嘅過失。
你果然聽佢說話、照我所吩咐嘅嚟行、就仇恨你嘅、我亦仇恨佢、攻擊你嘅、我亦攻擊佢。
因為我嘅使者必行在你之前、帶你到亞摩哩人、赫人、比哩洗人、迦南人、希未人、耶布士人、我必將佢哋滅絕。
你唔好跪拜服事佢哋嘅神、亦唔好學效佢哋嘅行為、惟要剿滅佢哋、而且毀爛佢哋嘅偶像。
你必要奉事你神耶和華、佢就必祝福你所食嘅餅、所飲嘅水、而且喺你哋之中除去疾病。
喺你境界之內、必冇跌落胎嘅、冇唔生產嘅、你嘅壽數、我必令你得滿足。
我必𢬿我嘅威嚴顯揚在你之前、你所到之處、我必將個的百姓敗壞、令你嘅仇敵調轉向你。
我必使大黃蜂喺你前便飛起、趕逐希未人、迦南人、赫人離開你。
但一年之內、我唔趕嘥佢哋離開你、恐怕田地荒廢、野獸生多嚟逼害你。
我漸漸趕逐佢哋離開你、等待你哋加多、就繼嗣個的產業。
我必限定你嘅境界、由紅海至到非利士人海、又由曠野至到大河、因為我必𢬿此地嘅百姓交過你手、等你趕逐佢離開你。
你不可共佢哋嘅神立約。
佢哋不可住在你處、恐怕令你得罪我、你若服事佢哋嘅神、就必陷你落機檻咯。