耶和華對摩西話。
你要對以色列人講話、要為我獻禮物、但凡誠心所願嘅、你可以受嘵、做我嘅禮物。
你所應當受嘅禮物、即係金銀、銅。
藍色、紫色、絳色、幼細麻、山羊毛。
染紅嘅羊公皮、狐貉皮、皂莢木。
點燈嘅油、整膏整香嘅香料。
綠玉、及鑲在(口以)咈(示普)子上嘅玉。
又當要為我起一間聖所、等我住在佢哋之中。
照依我所指示你嘅、即係帷幕及其中器皿嘅式樣、你必要依噉樣嚟做。
要𢬿皂莢木嚟整櫃、長二尺半、闊一尺半、高一尺半。
又要用精金嚟包鑲裏外、四圍之上便整出金邊。
鑄四個金環、安在四角、呢便兩個、個便兩個。
又用皂莢木整兩條杠、亦要俾金嚟鑲。
將杠穿在櫃旁嘅金環、嚟擡起佢。
個的杠要常時穿在環內、唔好擠開。
要將我賜過你嘅證詞、藏落櫃中。
又要用精金整贖罪所、長二尺半、闊一尺半。
要用金整兩個(口基)(口路)(口水)、個便整一個(口基)(口路)(口水)、
喺贖罪所兩頭要整出(口基)(口路)(口水)。
(口基)(口路)(口水)要伸高兩翼、遮蓋贖罪所、(口基)(口路)(口水)嘅面向住贖罪所、彼此相對。
要將贖罪所放在櫃上、將我賜過你嘅證詞放在櫃內。
我必降臨約櫃贖罪所之上、兩個(口基)(口路)(口水)嘅中間、喺個處見你、共你交際、將各樣誡命託你傳過以色列人。
你要用皂莢木整一張檯、長二尺、闊一尺、高一尺半。
要用精金嚟鑲、四圍整出金邊。
喺檯嘅四便整再整橫梁、要一掌闊、橫梁四圍亦整出金邊。
整四個金環、安在四便檯角、即係四隻檯腳處。
金環要近住橫梁、等可以穿杠嚟擡起。
用皂莢木整杠、用金嚟鑲、等可以擡起個張檯。
又用精金整盤、壺、杯、𢬿嚟奠酒嘅。
檯之上、要將陳設嘅餅、常時擺在我面前。
要用精金整一座燈臺、用圓輪法整出、燈臺嘅柄、及枝節花朶都係噉。
燈臺兩便要伸出六枝、呢便三枝、個便三枝。
呢便嘅枝整三朶好似杏花、有節、有花、個便嘅枝亦整三朶好似杏花、有節有花、從燈臺伸出嘅亦枝、俱係噉樣。
燈臺嘅柄、整四朶好似杏花、亦有節有花。
依燈臺伸出嘅六枝、兩枝之下有一節、又兩枝之下有一節、又兩枝之下有一節。
個的節共枝同一樣、俱𢬿精金用圓輪法整出。
亦要整七盞燈、放在燈臺上、等點著令光相照。
燈剪、及載剪嘅盤、俱用精金嚟整。
整燈臺共各樣器具、要用精金一千五百兩、(或作一個(𠯈)啉)
你要謹慎、遵依我在山上指示你嘅式樣嚟整。