你立帷幕、要整布十幅、即係織匠用藍色、紫色、絳色、及白麻線織出(口基)(口路)(口水)嘅。
每幅長二十八尺、闊四尺、各幅長闊俱同一樣。
五幅彼此相連、其餘五幅亦彼此相連。
喺呢五幅側邊相連個處、整藍色嘅紐、又喺個五幅側邊相連個處、亦係噉樣。
喺呢邊整紐五十粒、喺個邊整紐五十粒、個的紐要彼此聯合。
又要整金鈎五十個、彼此鈎連、就成一間帷幕。
又要用山羊毛整布十一幅、遮蓋帷幕。
每幅長三十尺、闊四尺、十一幅長闊俱同一樣。
五幅聯成一幅、六幅亦聯成一幅、但第六幅要打雙在帷幕前頭。
喺呢五幅側邊相連個處、整紐五十粒、又喺個六幅側邊相連處、整紐五十粒。
又整銅鈎五十個、鈎住的紐、聯合成為一幅。
布幔有餘剩嘅、即係其餘嘅半幅、要垂在帷幕後便。
布幔要餘剩、呢便一尺、個便一尺、等垂在帷幕嘅兩旁、遮蓋帷幕。
又要用染紅嘅羊公皮做帷幕嘅蓋、再用狐貉皮嘅蓋遮住上面。
你要用皂莢木、整帷幕嘅企板。
每板長十尺、闊一尺半。
每板要兩(口筍)相對、所有嘅板、都要照依噉樣整。
你要整帷幕嘅板、南便整板二十塊。
二十塊板之下、整銀座四十個、每一塊板之下、用兩座接住兩(口筍)、其次板下嘅兩座、亦接住兩(口筍)。
帷幕嘅北便、亦整板二十塊。
整銀座四十個、每一塊板之下用兩座、其次一板亦用兩座。
帷幕嘅後便整板六塊。
帷幕後兩邊角頭、整板兩塊。
板下聯合、板上有一環亦能聯合、兩邊俱是一樣、係為兩邊角頭整嘅。
總共板八塊、銀座十六個、每一塊板之下用兩座、其次一板亦用兩座。
又要皂莢木整橫閂、左便帷幕板上有五橫閂。
右便帷幕上有五橫閂、帷幕後面、即係西便嘅板上、亦有五橫閂。
板中嘅橫閂、從呢邊通到個邊。
板要用金嚟鑲、又整金環套住的橫閂、的橫閂亦用金嚟鑲。
你要照依山上指示你嘅樣嚟起帷幕。
你要𢬿織匠所用藍色、紫色、絳色、及白麻線、織出(口基)(口路)(口水)嘅嚟做簾。
用皂莢木鑲金嘅柱四條、安在四個銀座之上、柱上有金鈎、將簾排在鈎上。
又將簾垂在鈎下、將約櫃放在簾內、用簾隔開、分別聖所共至聖所。
將贖罪所放在至聖所中約櫃之上。
簾外有檯、將檯放在北便、又將燈檯放在帷幕南便、彼此相對。
你要整門簾、用織匠所𢬿藍色、紫色、絳色、及白麻線、織出花樣嘅。
又用皂莢木整柱五條、𢬿金嚟鑲、鈎要用金嚟整嘅、亦要鑄五個銅座、安柱在上、將門簾掛在鈎上。