摩西看外父米田祭司葉羅嘅羊群、帶羊群去曠野後便、到神嘅山、即係何烈山。
耶和華嘅使者、喺荊棘火燄之中、顯現過摩西睇、佢睇見荊棘被火燒著、但荊棘唔燒壞。
摩西話、如今我要轉去睇呢的大異象、荊棘唔燒壞、係乜緣故呢。
耶和華見佢轉去觀看、就喺荊棘中召佢話、摩西呀、摩西呀、佢答話、我喺處呀。
神話、咪近呢處、要脫嘵腳上嘅鞋、因為你所企個笪係聖地。
又話、我係你祖父嘅神、亞伯拉罕嘅神、以撒嘅神、雅各嘅神、摩西遮住面、因為怕見神呀。
耶和華話、我嘅百姓在埃及地受苦、我實在見過、因受督工人嘅難就叫喊、我都聞過、我知到佢哋嘅苦難咯。
如今我降臨、救佢哋脫甪埃及人手、帶佢哋出嘵此地、去到闊大肥美流乳共蜜嘅地方、即係迦南、赫、亞摩哩、比哩洗、希未、耶布士、所住嘅。
如今以色列人喊苦、達到我處、我亦見埃及人所逼勒佢哋嘅苦。
故此你嚟、我要打發你去見法老、等帶我百姓以色列人出嘵埃及。
摩西對神話、我係乜人、可以去到法老處、帶以色列人出埃及呢。
神話、我必定同埋你、你帶百姓出埃及之後、你哋必喺呢個山崇拜神、呢的就係我打發你嘅憑據。
摩西對神話、睇吖、我去到以色列人處、對佢話你祖宗嘅神打發我嚟你處、佢哋若係問我話、佢係乜名、我要點樣答佢哋呢。
神對摩西話、我係自然而有嘅、又話、你要噉樣對以色列人話、自然而有嘅打發我嚟你哋處。
神又對摩西話、你必要對以色列人話、打發我嚟你哋處嘅、係耶和華、你列祖嘅神、亞伯拉罕嘅神、以撒嘅神、雅各嘅神、呢的係我永遠嘅名、係我嘅記號、至到萬世。
你去招集以色列長老、對佢話、耶和華你列祖嘅神、亞伯拉罕嘅神、以撒嘅神、雅各嘅神、顯現過我話、我也曾降臨你處、而且埃及人點樣待你哋、我都見過咯。
我也曾話、我要帶你哋出嚟、脫甪埃及嘅苦難、去到迦南、赫、亞摩哩、比哩洗、希未、耶布士、各族嘅地、即係流乳共蜜嘅地方。
眾人必聽你話、你要同埋以色列長老去見埃及王、對佢話、希伯來人嘅神耶和華、已經降臨我哋處、如今求你准我哋去曠野、行三日路、祭祀我嘅神耶和華。
我知雖然用大能嘅手、埃及王都唔准你哋出去。
我要舉起我手、𢬿我在埃及中所將行嘅奇事、嚟攻打佢哋、然後佢致准你哋出去。
我必令呢的百姓喺埃及人面前得恩、等你出去之時、唔係空手出去。
眾婦人必向佢嘅鄰舍、及住在佢家中嘅婦女、攞金銀器皿衣服、你可以裝扮你嘅仔女、噉就你奪嘵埃及人嘅物咯。