你要用皂莢木整焚香嘅壇。
長一尺、闊一尺、高二尺、整成四方嘅、四角亦用皂莢木嚟整。
要用精金鑲住上面、及四邊四角、壇嘅周圍整出金邊。
整金環兩個、安在金邊下兩旁嘅四角、可以穿杠嚟擡個壇。
又要用皂莢木整杠、係金鑲住嘅。
要將壇放在約櫃旁邊嘅簾前、即係約櫃嘅贖罪所面前、我喺個處降臨你。
亞倫每日朝早打理燈個時、要喺壇上焚香料所整嘅香。
挨晚點燈個時、亦要焚香、等歷代常時有香昇上在耶和華面前。
壇上唔好焚別樣嘅香、唔好獻燔祭及素祭、亦唔好奠酒落壇上。
亞倫每年一次、亦要喺壇上行贖罪禮、呢的在耶和華面前係至聖嘅。
耶和華對摩西話。
你查數以色列人嘅數目、佢哋當你查數之時、要為自己出贖命嘅銀、獻過耶和華、就你查數之時、佢哋可免災難。
凡被數嘅人、要遵依聖所嘅隄喀、每隄喀即係二十(阝季)啦、必出半隄喀獻過耶和華。
八被數嘅人、自二十歲以上、都要將禮物獻過耶和華。
富厚嘅唔好出多、貧窮嘅唔好出少、惟要𢬿半隄喀獻過耶和華、嚟贖你哋性命。
以色列人贖命嘅銀、你要收下預備會幕嘅使用、等可以為以色列人在耶和華前做記念、嚟贖你哋性命。
耶和華對摩西話。
你要𢬿銅整洗浴嘅盤、盤腳亦要銅整嘅、等可以洗浴、將盤放在會幕及壇嘅中間、盤內載水。
亞倫共佢眾子、要喺個處洗手洗腳。
或入會幕、或到壇上服事耶和華、即獻燔祭之時、必要用水洗浴、免致死亡。
噉樣、佢哋要洗手洗腳、就免致死亡、呢的係亞倫及佢後裔永遠嘅定例。
耶和華又對摩西話。
你要擰上品嘅香料、即係沒藥五百隄喀、香肉桂一半、即係二百五十隄喀、白菖莆二百五十隄喀。
桂皮五百隄喀、都要遵依聖所嘅隄喀、又擰橄欖油一(阝欣)。
要用呢的各物做成聖膏、照依和香油嘅法子嚟做、就成為聖膏。
你要將呢的膏搽會幕及約櫃。
櫃共檯嘅一切器具、燈臺共燈臺嘅一切器具、與及香壇。
燔祭嘅壇共壇嘅一切器具、洗浴嘅盤與及盤腳。
你要別開呢的為至聖、凡摩下呢的都以佢為聖。
你要搽亞倫及佢眾子、別開佢哋為聖、喺我面前做祭司嘅職份。
你要對以色列人話、呢的膏係我至聖嘅膏、傳到你哋歷代。
呢的膏、唔好斟落別人身上、亦唔好照依法子私自做出、因為呢的係聖膏、你哋亦當以此膏為聖。
凡私自做出、或𢬿嚟搽別人嘅、佢在百姓之中必噲滅亡。
耶和華又對摩西話、你擰香料、即係嗱噠、(口氏)嗘嘞、嚇(口庇)嗱、𢬿呢的香料嚟和淨乳香、各物都一樣重。
你要照依和香嘅法子、再加鹽、做成聖潔嘅香。
你要喺其中將的嚟舂到極幼細、放在會幕證詞面前、我喺個處必降臨你、你要當此香為至聖。
你所做嘅香、唔好照依呢的法子、為自己嚟做、要當此香為聖歸於耶和華。
若有人照依呢的法子做香、想聞吓香味嘅、佢在百姓之中必噲滅亡。