1
耶和華對摩西話。
2
我已經將佢嘅名、召猶太支派戶耳嘅孫烏利嘅仔庇撒。
3
我亦令佢充足聖靈、等佢有智慧、有聰明、有知識、能做百工。
4
想出奇巧法子、整金、銀、銅、各物。
5
能雕玉石、嚟鑲(示普)服、能刻木頭、嚟做百工。
6
我已經賜但嘅支派、亞希撒抹仔亞何利巴同埋佢、凡有智慧嘅人、我更賜佢有智慧、等佢可以做我凡所吩咐你嘅。
7
即係會幕約櫃、共約櫃上嘅贖罪所、及會幕嘅一切器具。
8
檯共檯嘅一切器具、精金燈臺共燈臺嘅一切器具、與及香壇。
9
燔祭共壇共壇嘅一切器具、洗浴嘅盤共盤腳。
10
禮服共聖衣、亞倫及佢眾子做祭司職分所著嘅衣服。
11
膏油及聖所所用嘅香、佢哋必要遵依我凡所吩咐你嘅嚟做。
12
耶和華對摩西話。
13
你對以色列人講、話、你哋要守我嘅安息日、呢的係你我中間嘅證據、至到歷代都係、等你哋知到我係耶和華、別開你哋為聖嘅。
14
你要守安息日、因為個日係你嘅聖日、凡褻瀆安息日嘅必受死、凡安息日做工夫嘅、佢在百姓之中必噲滅亡。
15
六日之內可以做工夫、惟第七日係大安息日、喺耶和華面前為聖日、凡安息日做工夫嘅、必定受死。
16
故此以色列人當個日要謹慎、遵守安息日、至到歷代都做永遠嘅約。
17
呢的係我共以色列人中間永遠嘅證據、因為六日之內、耶和華創造天地、惟到第七日安息、致養氣力呀。
18
神在西乃山共摩西講完、就𢬿兩塊證詞嘅碑賜過佢、此碑即係石碑、係神手所寫嘅。