耶和華對摩西話、你離開呢處去、同埋你所帶出埃及地嘅百姓、到我共亞伯拉罕、以撒、雅各、發誓嘅地方、話、我將此乎賜過你哋後裔嘅。
我要打發一個使者喺你前便行、我要趕逐迦南人亞摩哩人、赫人、比哩洗人、希未人、耶布士人。
帶你到流乳共蜜糖嘅地方、我必唔同埋你哋上去、因你哋係板頸嘅百姓、恐怕我喺路上將你哋滅絕。
百姓聽聞呢的危險說話、就好憂愁、唔妝飾自己。
耶和華對摩西話、你要對以色列人講、話、你哋係板頸嘅百姓、我若臨到你哋之中、一陣間必將你哋滅絕、如今你哋摘甪妝飾、等我知到點樣待你哋。
以色列人自從何烈山摘甪佢哋嘅妝飾。
摩西將帷幕撘在營盤之外、離營盤好遠、稱個笪為會幕、凡求問耶和華嘅、就出去營盤外嘅會幕。
當摩西出去帷幕個時、眾百姓都起身、各人企在自己帳門口、望住摩西、等待佢入帷幕。
適值摩西入帷幕個時、有雲柱降落嚟、止在帷幕門口、耶和華就共摩西講。
眾百姓見雲柱止在帷幕門口、就起身、各人喺自己門口跪拜。
耶和華共摩西當面講論、好似人共朋友講論一樣、後來、摩西入番營盤、惟係佢嘅大臣嫩嘅仔、少年人約書亞、唔離開帷幕。
摩西對耶和華話、睇吖、你對我話、帶呢的百姓上去、但未曾指示我你打發乜誰同我去、惟係話、我將你嘅名選召你、你亦喺我面前得恩典。
如今我若喺你面前得恩典、就求你將你嘅道指示我、等我可以識你、亦喺你面前得恩典、而且求你記念呢的百姓、因佢哋係你嘅百姓。
耶和華話、我必親身同你去、賜你平安。
摩西就對神話、你若唔係親身同我去、就唔好帶我哋上去。
你若唔同我哋去、人點知我共你百姓喺你面前得恩典呢、噉樣我哋就得別開、即係我共你百姓喺天下萬民之中得別開。
耶和華對摩西話、呢的你所講嘅事我必定做、因為你已經喺我面前得恩典、我亦將你嘅名選召你。
摩西話、求你將你嘅榮光顯過我。
神話、我必施各樣恩、經過你面前、亦喺你面前傳揚你耶和華嘅名、我想施恩嘅、就施恩過佢、我想憐憫嘅、就憐憫佢。
又話、你不可見我嘅面、因為冇人得見我面仍然生活嘅。
耶和華又話、睇吖、有一(口笪)近我嘅地方、你要企在石上。
當我榮光經過之時、我將你擠落石罅處、我經過必用手遮住你。
過嘵移開我手、你說可以見我背脊、惟係我嘅面必唔得見。