摩西聚集以色列嘅會眾、對佢哋話、耶和華所吩咐、你哋所當行嘅、係噉。
六日之內、要做工夫、惟到第七日、你要守聖日、即係耶和華嘅大安息日、但凡在此日做工夫嘅、必要死。
當安息日你哋不可喺屋內唞火。
摩西又對以色列嘅會眾話、耶和華吩咐你哋嘅係噉。
從你哋之中要擰禮物獻過耶和華、凡心中情願嘅、就要擰去做耶和華嘅禮物、即係金、銀、銅。
藍色、紫色、絳色、幼細麻、山羊毛。
染紅嘅羊公皮、狐貉皮、皂莢木。
點燈嘅油、整膏整香嘅香料。
白玉、共鑲在(口以)咈(示普)子上嘅玉。
你哋之中凡有智慧嘅、應當嚟整出耶和華凡所吩咐嘅。
即係聖所共帷幕、幕葢、金鈎、木板、橫閂、木柱、銀座。
約櫃、櫃杠、贖罪所、及遮蔽約櫃嘅簾。
檯共檯杠、及檯嘅一切器具、陳設嘅餅。
常點嘅燈檯、共燈檯嘅一切器具、及燈盞、點燈嘅油。
香壇共壇嘅杠、膏油共馨香、會幕嘅門簾。
燔祭嘅壇共壇嘅銅網、壇嘅杠及壇嘅一切器具、洗浴嘅盤與及盤腳。
院嘅布幃、木柱共銀座、及院嘅門簾。
帷幕嘅釘、院嘅釘、與及各樣繩索。
在聖所服事嘅禮服、即係祭司亞倫嘅聖衣、及佢眾子做祭司職份所著嘅。
以色列嘅會眾、離別摩西面前、就退出去。
但凡心中感動令佢哋情願嘅、都嚟到、擰耶和華嘅禮物、做會幕嘅工夫、共各樣事、及聖衣。
凡情願嘅男人女人都嚟到、各擰手鈪、耳環、印環、項圈、各樣金器、凡有奉獻嘅、都𢬿金獻過耶和華。
凡有藍色、紫色、絳色、幼細麻、山羊毛、染紅羊公皮、狐貉皮嘅、都擰嘥嚟。
凡獻銀銅嘅、都擰嚟做耶和華嘅禮物、凡有皂莢木可以合用嘅、亦擰嚟。
眾女人有智慧嘅、就自己用手紡成線、即係藍色、紫色、絳色、及幼細麻嘅線擰嚟。
眾女人心中感動、有智慧嘅、就用山羊毛紡成線。
眾牧伯擰白玉、共鑲 (口以)咈(示普)子嘅玉。
香料共點燈嘅油、膏油馨香嘅香料。
以色列嘅男人女人、都情願擰禮物獻過耶和華、等做各樣工夫、照耶和華託摩西手吩咐佢哋做嘅。
摩西對以色列人話、睇吖、耶和華𢬿名嚟選召猶大支派戶耳嘅孫、烏利嘅仔庇撒列。
又𢬿神之靈充滿佢心、令佢有智慧、有聰明、有知識、能做百工。
想出奇巧嘅法子、整金、銀、銅、各物。
能雕玉石、嚟鑲(示普)服、能刻木頭、做奇巧嘅百工。
又賜佢心內聰明、等佢能教訓人、佢共但嘅支派亞希撒抹嘅仔亞何利巴亦係噉。
此人、神𢬿智慧充滿佢心、令佢哋能雕刻、能紡織、能用藍色、紫色、絳色及細麻線嚟刺繡、能織布、即係所做各樣嘅工夫、及想出奇巧嘅百工。