庇撒列、亞何利巴、及凡有智慧嘅、都要做工夫、耶和華賜佢哋有智慧、有聰明、等知到做聖所嘅一切工夫、遵依耶和華所吩咐嘅。
摩西召庇撒列、亞何利巴、及凡有智慧嘅人嚟、即係耶和華𢬿智慧賜過佢、心中感動就嚟做工夫嘅。
佢哋就將以色列人所獻做聖所嘅禮物、從摩西處擰去做工夫、而且百姓每朝早、仍然嚟獻禮物。
各聰明人做聖所嘅工夫、各人暫停自己所做嘅。
對摩西話、百姓擰嚟獻過耶和華嘅、所有做工嘅材料、已經有餘咯。
摩西傳令、使眾人喺營盤宣告話、眾男人女人、唔使再整材料、擰嚟獻過聖所、於是百姓受管束、唔再擰嚟。
因為所有嘅材料、夠做各樣工夫、而且有餘咯。
其中智慧嘅人、做帷幕嘅工夫。整布十幅、係𢬿妙手工匠所用藍色、紫色、絳色、及細麻線、織出(口基) (口路) (口水)嘅嚟做成。
每幅長二十八尺、闊四尺、各幅長闊俱同一樣。
五幅彼此相連、其餘五幅亦彼此相連。
喺呢五幅側邊相連個處、整藍色紐圈、又喺個五幅側邊相連個處、亦係噉樣。
喺呢邊整紐圈五十、喺個邊整紐圈五十、等彼此可以聯合。
又整金鈎五十個、彼此鈎連、就成一間帷幕。
又用山羊毛織布幔、做帷幕嘅布十一幅。
每幅長三十尺、闊四尺、十一幅長闊俱一樣。
五幅聯成一幅、六幅六聯成一幅。
整紐圈五十、釘在呢五幅側邊相連個處、又整紐圈五十、釘在個六幅側邊相連個處。
又整銅鈎五十個、鈎連兩幅為一幕。
又用染紅嘅羊公皮做帷幕嘅葢、再用狐貉皮嘅葢遮住上面。
用皂莢木、整帷幕嘅企板。
每板長十尺、闊一尺半。
每板有兩(口筍)相對、所有嘅板、都係照依噉樣整。
又整帷幕嘅板、南便整板二十塊。
二十塊板之下、整銀座四十個、每一塊板之下、用兩座接住兩(口筍)、其次板下嘅兩座、亦接住兩(口筍)。
帷幕嘅北便、亦整板二十塊。
整銀座四十個、每一塊板之下用兩座、其次一板亦用兩座。
帷幕嘅西便、即係後便、整板六塊。
帷幕後兩邊角頭、整板兩塊。
板下聯合、板上有一環亦能聯合、在兩邊角頭嘅、俱係噉樣整。
後便用板八塊、銀座十六個、每一板之下用兩座。
又用皂莢木整橫閂、左便帷幕有五橫閂。
右便帷幕板有五橫閂、帷幕後便、即係西便嘅板、亦有五橫閂。
又整當中嘅橫閂穿入板內、從呢邊通到個邊。
用金鑲板、又整金環套住的橫閂、的橫閂亦用金鑲住。
又𢬿 藍色、紫色、絳色、及細麻線用妙手工匠嘅法織出(口基)(口路)(口水)嘅嚟做簾。
又用皂莢木整四條柱、係金包嘅、的鈎亦用金包、而且鑄銀座四個。
又𢬿繡匠所用藍色、紫色、絳色、及細麻線繡成嘅嚟做門簾。
個五條木柱共個的鈎、柱頭共柱上嘅桁、都係用金鑲嘅、獨係五個銅座、就用銅整嘅。