用藍色、紫色、絳色線做幼細嘅衣服、即係在聖所事奉嘅禮服、亦為亞倫做聖衣、係遵依耶和華所吩咐摩西嘅。
用金線、共藍色、紫色、絳色、及細麻線、做個的(口以)咈。
用金打成薄片、剪成線、𢬿妙手工匠所用嘅藍色、紫色、絳色、細麻線嚟織成。
又在(口以)咈嘅兩旁做兩條相連嘅肩帶。
(口以)咈上妙手織嘅花帶、共織(口以)咈嘅法子相同、即係遵依耶和華所吩咐摩西、𢬿金線、共藍色、紫色、絳色、細麻線嚟織成嘅。
又用璧玉鑲在金方上、照依刻印嘅法子、將以色列支派嘅名刻落去。
將玉安在(口以)咈嘅肩帶上、為以色列人做記號、都係遵依耶和華所吩咐摩西嘅。
又用金線、共藍色、紫色、絳色、及細麻線、照依織法嚟織(示普)子、好似織(口以)咈一樣。
(示普)子係四方嘅、摺埋兩層、長闊都係手指一揇為度。
上面鑲玉石四行、第一行係瑪瑙、黃實石、葱玉。
第二行係綠玉、青玉、金鋼石。
第三行係紅寶石、白瑪瑙、紫玉。
第四行係兼實石、璧玉、碧玉、都鑲在金方之中。
呢十二塊玉、照以色列支派嘅名、用刻印法子、每一塊玉刻一名、十二支派都係噉。
用精金線挪成鏈、安在(示普)子兩邊。
又用金整兩個金方、兩個金環、將金環安在(示普)子兩邊。
將兩條金鏈、穿入(示普)子兩邊嘅金環內。
將兩條金鏈頭、綁在兩個金方上、安在(口以)咈嘅肩帶前便。
又整兩個金環、安在(示普)子裏嘅兩邊、近(口以)咈之內。
又整兩個金環、安在(口以)咈兩邊肩帶之下、共聯合個處相對、在(口以)咈嘅花帶上。
用藍色繩、將(示普)子嘅環共(口以)咈嘅環綁住、在花帶之上、等(示普)子唔離開(口以)咈、係遵依耶和華所吩咐摩西嘅。
用織法做(口以)咈裏嘅外袍、係全藍色嘅。
外袍中間開一個(穴中)、(穴中)嘅四圍織出邊闌、好似甲衣嘅(穴中)、令佢唔噲裂爛。
喺袍腳四圍嘅邊闌上、用藍色、紫色、絳色、及麻線織出石榴花。
又用精金整成金鈴、安在袍腳四圍石榴花個處、等金鈴共石榴花相間。
一個金鈴、一朶石榴花、其次亦係噉樣、袍腳四圍都有、等佢著起呢的嚟事奉、係遵依耶和華所吩咐摩西嘅。
又用細麻線、為亞倫及佢眾子、織成內袍。
又用細麻線布做冠共扎頭巾、共細麻線所織嘅褲。
又用藍色、紫色、絳色、麻線織、做繡花嘅大帶、係遵依耶和華所吩咐摩西嘅。
佢用精金做聖冠嘅牌、照刻印嘅法子、刻字在牌上、話、聖潔歸於耶和華。
又用藍色繩將金牌綁在冠上、係遵依耶和華所吩咐摩西嘅。
噉就會幕嘅各樣工夫做完、以色列人都遵依耶和華凡所吩咐摩西嘅嚟行。
眾人將會幕共會幕嘅一切器物、擰去摩西處、即係鈎、板、閂、柱、座。
羊公皮、染紅嘅葢、共狐貉皮嘅上葢、及遮蔽嘅簾。
約櫃共擡櫃嘅杠、及贖罪所。
檯共檯嘅一切器具、及陳設嘅餅。
精金燈臺共燈盞、即係擺列嘅燈、及燈臺嘅一切器具、點燈嘅酒。
金壇、膏油、馨香、帷幕嘅簾。
銅壇、共壇外嘅銘網、擡壇嘅一切器具、洗浴嘅盤及盤腳。
院嘅布幃共柱、共座、院門嘅簾共繩、共釘、會幕所用嘅一切器物。
在聖所事奉嘅禮衣、祭司亞倫嘅聖衣、及佢眾子做祭司所著嘅衣服。
以色列人就遵依耶和華凡所吩咐摩西嘅、嚟做各樣工夫。
摩西睇見各樣工夫、俱係照耶和華所吩咐、噉樣做成嘅、摩西就祝福眾人。